Achyutashtakam Lyrics in Oriya:
॥ ଅଚ୍ୟୁତଶତକମ୍ ॥
ଵେଦାନ୍ତଦେଶିକଵିରଚିତମ୍ ।
(ତିରୁଵହୀନ୍ଦ୍ରପୁରାଖ୍ୟେ ଔଷଧଗିରୌ)
(ଇଦଂ ଶତକଂ ମୂଲଂ ପ୍ରାକୃତଭାଷାୟାମାସ୍ତେ ।)
(ଲେଖକୈରେଵ ସଂସ୍କୃତେ ପରିଵର୍ତିତଂ ମୂଲମେଵ ଅତ୍ର ଦୀୟତେ ।)
ନମତ ତ୍ରିଦଶାନାଂ ନାଥଂ ସତ୍ୟଂ ଦାସାନାମଚ୍ୟୁତଂ ସ୍ଥିରଜ୍ୟୋତିଃ ।
ଗରୁଡନଦୀତଟତମାଲଂ ଅହୀନ୍ଦ୍ରନଗରୌଷଧାଚଲୈକଗଜେନ୍ଦ୍ରମ୍ ॥ ୧ ॥
କିଙ୍କରସତ୍ୟ ସ୍ତୁତିସ୍ତଵ ସ୍ଵୟମ୍ଭୂ ଗେହିନୀ ଵିଲାସଵ୍ୟାହୃତିମୟୀ ।
ଫଣିତା ବାଲେନ ମୟା ପଞ୍ଜରଶୁକ ଜଲ୍ପିତମିଵ କରୋତୁ ପ୍ରସାଦମ୍ ॥ ୨ ॥
ମଲିନମପି ଭାଷିତଂ ମମ କିଙ୍କରସତ୍ୟ ତଵ କୀର୍ତିଜ୍ୟୋତ୍ସ୍ନାପ୍ରସରେ ।
ଲଗ୍ନଂ ଲଭତାଂ ଵିଶୁଦ୍ଧିଂ ସଲିଲମିଵ ତ୍ରିପଥଗାସ୍ରୋତୋଗତମ୍ ॥ ୩ ॥
ତ୍ରସ୍ତରି ନୟେନ ସ୍ଥାପିତା ଶୋଭତାଂ ତ୍ରିଦଶାନାଂ ନାଥ ତଵ ସମାଜେ ।
ଵନ୍ଦିତ୍ଵ ମହିତାନାଂ ମଧ୍ୟେ ଶ୍ରୁତୀନାଂ ବାଲିଶା ମମ ସ୍ତୁତିଃ ॥ ୪ ॥
ଅସ୍ମଦ୍ଗୁରୂଣାମଚ୍ୟୁତ ଜିହ୍ଵାସିଂହାସନେ ଲବ୍ଧପ୍ରତିଷ୍ଠଃ ।
ପ୍ରତିପାଦିତପରମାର୍ଥୋ ଵାରୟସ୍ୟପଣ୍ଡିତତ୍ଵମସ୍ମାକମ୍ ॥ ୫ ॥
ହୃଦୟେଷୁ ଦେଶିକାନାଂ ଜାହ୍ନଵୀଲହରୀଷୁ ପୂର୍ଣଚନ୍ଦ୍ର ଇଵ ସ୍ଫୁଟଃ ।
କଲୁଷଜଲେଷ୍ଵିଵ ହଂସଃ କଷାୟକର୍ବୁରେଷୁ ତିଷ୍ଠସ୍ୟଚ୍ୟୁତ ନ କ୍ଷଣମ୍ ॥ ୬ ॥
ଆଗମମାତ୍ରପ୍ରମାଣଃ ଆଗୋପୀଜନଂ ପ୍ରକାଶ ନିଜମାହାତ୍ମ୍ୟଃ ।
ଶ୍ରଦ୍ଧିତହୃଦୟସୁଲଭୋ ଦୂରଂ ମୁଞ୍ଚସି ନତସତ୍ୟ ଦୋଲାୟମାନାନ୍ ॥ ୭ ॥
ସଦା କ୍ଷପିତସକଲହେୟଂ ଶରଣାଗତସତ୍ୟ ସତ୍ୟଜ୍ଞାନାନନ୍ଦମ୍ ।
ଉଲ୍ଲଙ୍ଘିତତ୍ରିଵିଧାନ୍ତମୁପନିଷଦାଂ ଶତାନି ଗାୟନ୍ତି ତ୍ଵାମ୍ ॥ ୮ ॥
କରୋଷି ନ କ୍ରିୟସେ କେନାପି ସ୍ଥାପୟସି ନ ସଂସ୍ଥାପ୍ୟସେଽନନ୍ୟସ୍ଥିତଃ ।
ହରସି ନିଖିଲଂ ନ ହ୍ରିୟସେ ଅହୀନ୍ଦ୍ରନଗରେନ୍ଦ୍ରାନଘଜ୍ୟୋତିସ୍ସ୍ଫୁରନ୍ ॥ ୯ ॥
ଅଣୁପ୍ରମିତସ୍ୟାପ୍ୟଚ୍ୟୁତ ଶକ୍ତିସ୍ତଵ ସକଲଧାରଣାଦିପ୍ରଭୂତା ।
ତେନ ପ୍ରତିଵସ୍ତୁପୂର୍ଣଃ ଶ୍ରୂୟସେଽପ୍ରତିହତନିଜସ୍ଥିତିଃ ସର୍ଵଗତଃ ॥ ୧୦ ॥
ସକଲାନାଂ ଧରଣନିୟମନସ୍ଵାମିତ୍ଵନିୟମସଂସ୍ଥିତଃ ସର୍ଵତନୁଃ ।
ଶ୍ରୂୟସେଽଚ୍ୟୁତ ସର୍ଵଃ ସଦା ଦର୍ଶିତକାର୍ୟକାରଣତ୍ଵକର୍ବୁରଃ ॥ ୧୧ ॥
ପୁରୁଷପ୍ରଧାନଶରୀରୋ ଭୁଵନାନାଂ ଭଵସ୍ୟଚ୍ୟୁତୋପାଦାନମ୍ ।
ନିଜସଙ୍କଲ୍ପସନାଥୋ ଵହସି ନିମିତ୍ତତ୍ତ୍ଵମପ୍ୟଦ୍ଭୁତଶକ୍ତିଃ ॥ ୧୨ ॥
ଵିଷମଗୁଣାଙ୍କୁରପ୍ରକରେ ଜଲମିଵ ସାମାନ୍ୟକାରଣଂ ତଵ କେଲିଃ ।
ନିଜକର୍ମଶକ୍ତିନିୟତା ଅଚ୍ୟୁତ ବ୍ରହ୍ମାଦି ସ୍ଥାଵରାନ୍ତଵିଶେଷାଃ ॥ ୧୩ ॥
ପୁରୁଷାସ୍ତଵ ଵିଭୂତିଃ ଅଚ୍ୟୁତ ଲକ୍ଷ୍ମ୍ୟାଃ ସ୍ତ୍ରୀସଂଜ୍ଞାଃ ।
ନାସ୍ତି ପରଂ ୟୁଵୟୋଃ ସାପି ଶ୍ରୀର୍ଭଵତି ତଵ କିଂ ପୁନରିତରତ୍ ॥ ୧୪ ॥
ନ ଖଲୁ ତଵ ସଦୃଶାଭ୍ୟଧିକାଃ ନାଥ ତ୍ଵମେଵ ସର୍ଵଲୋକଶରଣ୍ୟଃ ।
ଏତାଵଜ୍ଜ୍ଞାନସାରମିତି ଜ୍ଞାତୁଂ ତ୍ରିଦଶନାଥେତରଵିଚିନ୍ତା ॥ ୧୫ ॥
ଭାତି ଫଣୀନ୍ଦ୍ରପୁରାଧିପ ପ୍ରତିପାଲୟତ୍ସୁ ପ୍ରକଟପ୍ରଭୂତଫଲା ।
ଅପି ଦ୍ରୁହିଣପ୍ରମୁଖୈଃ ଆଜ୍ଞପ୍ତିସ୍ତଵାଲଙ୍ଘନୀୟପ୍ରଭାଵା ॥ ୧୬ ॥
ନିୟମଵିଧୀନାଂ ପ୍ରଵୃତ୍ତିଃ ସର୍ଵେଷାମପି ଦାସସତ୍ୟୋଦ୍ଦିଶ୍ୟ ତ୍ଵାମ୍ ।
ଶ୍ରାଦ୍ଧନିମନ୍ତ୍ରିତବ୍ରାହ୍ମଣସମାଧିସିଦ୍ଧାଂ ଲଭନ୍ତେ ତ୍ରିଦଶା ଭୁକ୍ତମ୍ ॥ ୧୭ ॥
ଆରାଧ୍ୟ ତ୍ରିଦଶଵିଲୟେଽଚ୍ୟୁତ ନିତ୍ୟଂ ନ ତିଷ୍ଠସି ୟଦି ନାମ ତ୍ଵମ୍ ।
କର୍ମଣାଂ କଲ୍ପିତାନାଂ କରିଷ୍ୟତି କଲ୍ପାନ୍ତରେଷୁ କୋ ନିର୍ଵେଶମ୍ ॥ ୧୮ ॥
କଲ୍ପୟସି କାଙ୍କ୍ଷିତାନି କଲ୍ପଦ୍ରୁମ ଇଵ ଶ୍ରୀକାଞ୍ଚନଲତାସହିତଃ ।
ନତସତ୍ୟ ସଦାଫଲାନି ନିଜଚ୍ଛାୟାନିର୍ଭିନ୍ନନିତ୍ୟତାପତ୍ରିଭୁଵନଃ ॥ ୧୯ ॥
ସକଲାଗମାନାଂ ନିଷ୍ଠା ସକଲସୁରାଣାମପ୍ୟନ୍ତର ଆତ୍ମା ।
ସକଲଫଲାନାଂ ପ୍ରସୂତିଃ ସକଲଜନାନାଂ ସମଃ ଖଲୁ ନତସତ୍ୟ ତ୍ଵମ୍ ॥ ୨୦ ॥
ଇତି ସର୍ଵେଷାଂ ସମାନଃ ସତ୍ୟସ୍ଥିତୋ ଦାସସତ୍ୟ ସଦା ପରିପୂର୍ଣଃ ।
କଥଂ ଵହସି ପକ୍ଷପାତଂ ପାଣ୍ଡଵପ୍ରମୁଖେଷୁ ପ୍ରେଷଣମପି ସହମାନଃ ॥ ୨୧ ॥
ଵିଷମେ କର୍ମମାର୍ଗେ ଵିପରିସ୍ଖଲତାଂ ଵିହ୍ଵଲିତକରଣାନାମ୍ ।
ନାଥ ନିଖିଲାନାମନ୍ୟୋ ନାସ୍ତି ତ୍ଵନ୍ନତସତ୍ୟ ହସ୍ତାଲମ୍ବଃ ॥ ୨୨ ॥
ଜ୍ଞାନସ୍ୟ କୋଽଵିଷୟୋଽଚ୍ୟୁତ କରୁଣାୟାସ୍ତଵ କୋ ଦୂରସ୍ଥିତଃ ।
ଶକ୍ତେଃ କୋଽତିଭରସ୍ତସ୍ମାତ୍ଖଲୂପାୟସ୍ତ୍ଵମେଵ ସ୍ଵୟଂ ସିଦ୍ଧଃ ॥ ୨୩ ॥
ସଙ୍କଲ୍ପକର୍ଣଧାରଃ କିଙ୍କରସତ୍ୟ ଭଵସାଗରେଽତିଗଭୀରେ ।
ଅନଘସ୍ତ୍ଵଂ ଖଲୁ ପୋତ ଆତ୍ମନଃ କୃପାସମୀରଣେନ ପ୍ରୟୁକ୍ତଃ ॥ ୨୪ ॥
ଅଚ୍ୟୁତ ନ ଦଦତି ମୋକ୍ଷମୀଶ୍ଵରଭାଵେନ ଭାଵିତା ଇତରସୁରାଃ ।
ରାତ୍ରିଂ ପରିଵର୍ତୟିତୁଂ ଲକ୍ଷମାଲେଖ୍ୟ ଦିନକରାଣାମପି ନ କ୍ଷମମ୍ ॥ ୨୫ ॥
ଅମୃତରସସାଗରସ୍ୟେଵ ଅହୀନ୍ଦ୍ରପୁରନାଥ ନିର୍ମଲମହାର୍ଘାଣି ।
ତୀର୍ୟନ୍ତେ ନ ଵିଗଣୟିତୁଂ ଅନନ୍ୟସୁଲଭାନି ତଵ ଗୁଣରତ୍ନାନି ॥ ୨୬ ॥
ଭୂଷିତଶ୍ରୁତିସୀମନ୍ତୋ ଭୁଜଗେନ୍ଦ୍ରପୁରେଶ ସର୍ଵଗୁଣସୀମାନ୍ତଃ ।
କ୍ଷପିତତୃଷା ମଲମୋହୋ ମୁନୀନାଂ ହୃଦୟେଷୁ ସ୍ଫୁରସି ଶ୍ୟାମଲମୟୂଖଃ ॥ ୨୭ ॥
ଶୁଭଲକ୍ଷଣଶ୍ରୀଵତ୍ସଃ ଶୋଭସେ ନିର୍ମୁକ୍ତଵିରହକ୍ଷଣଶ୍ରୀଵତ୍ସଃ ।
ରଣଦେଵନ ସଵିହଗଃ ଉଦ୍ଭଟଗରୁଡନଦୀତୀରଵନସଵିଧଗତଃ ॥ ୨୮ ॥
ଅକୁମାରୟୌଵନସ୍ଥିତମହୀନ୍ଦ୍ରପୁରନାଥାଭିମତମନୁରୂପମ୍ ।
ନିତ୍ୟଂ ସ୍ଵଭାଵସିଦ୍ଧଂ ଶ୍ରୂୟତେ ସୂରିମହିତଂ ସୁଖଂ ତଵ ରୂପମ୍ ॥ ୨୯ ॥
ତ୍ରିଗୁଣଂ ତସ୍ୟ ଵିକାରାଃ ଅଚ୍ୟୁତ ପୁରୁଷ ଇତ୍ୟାଗମଗଣ୍ୟମାନାଃ ।
ଅର୍ଥାସ୍ତଵ ଖଲୁ ସମସ୍ତାଃ ପରସ୍ମିନ୍ ରୂପେ ଭୂଷଣାସ୍ତ୍ରସ୍ଵରୂପାଃ ॥ ୩୦ ॥
ନିର୍ୟନ୍ତି ତ୍ଵତ୍ତୋଽଚ୍ୟୁତ ନିକ୍ଷପିତଵିପକ୍ଷନିଷ୍ଠୁରପରାକ୍ରମଣାଃ ।
ସଂସ୍ଥାପିତପରମଧର୍ମାଃ ସାଧୁ ପରିତ୍ରାଣସତ୍ଫଲା ଅଵତାରାଃ ॥ ୩୧ ॥
ହରିମଣିସଦୃକ୍ଷ ନିଜରୁଚିହରିତାୟମାନ ଭୁଜଗେନ୍ଦ୍ରପୁରପର୍ୟନ୍ତଃ ।
କାଲେ ଦାସଜନାନାଂ କୃଷ୍ଣ ଘନୋ ଭଵସି ଦତ୍ତକାରୁଣ୍ୟରସଃ ॥ ୩୨ ॥
ଗରୁଡନଦୀକଚ୍ଛାରଣ୍ୟେ ଲକ୍ଷ୍ୟସେ ଲକ୍ଷ୍ମୀ ମହୀ କରେଣୁ ମନୋହରଃ ।
ଦୃଶ୍ୟମାନବହୁଲଦାନୋ ଦିଶା ଗଜେନ୍ଦ୍ର ଇଵ ଖଣ୍ଡିତଦନୁଜେନ୍ଦ୍ରଦ୍ରୁମଃ ॥ ୩୩ ॥
ମୁଖଚନ୍ଦ୍ରମୌଲି ଦିନକରମଧ୍ୟସ୍ଥିତସ୍ତଵ ଚିକୁରଭାରାନ୍ଧକାରଃ ।
ଅଘଟିତଘଟନାଶକ୍ତିଂ ସତ୍ୟଂ ସ୍ଥାପୟତି ଦାସସତ୍ୟ ସମଗ୍ରାମ୍ ॥ ୩୪ ॥
ପରିହସିତପୂର୍ଣଚନ୍ଦ୍ରଂ ପଦ୍ମସଦୃକ୍ଷପ୍ରସନ୍ନଲୋଚନୟୁଗଲମ୍ ।
ସଙ୍କଲ୍ପିତଦୁରିତାନ୍ୟପି ସଂସ୍ମୃତଂ ହରତି ଦାସସତ୍ୟ ତଵ ମୁଖମ୍ ॥ ୩୫ ॥
ମାହାତ୍ମ୍ୟଂ ତଵ ମହିତଂ ମାଙ୍ଗଲିକଂ ତୁଲସୀକୌସ୍ତୁଭପ୍ରମୁଖାନାମ୍ ।
ଅଚ୍ୟୁତ ସ୍ଥିରଵନମାଲଂ ଵତ୍ସଂ ଦର୍ଶୟତି ଲକ୍ଷ୍ମୀ ଲକ୍ଷଣସୁଭଗମ୍ ॥ ୩୬ ॥
ନିର୍ଵିଶତି ନିତ୍ୟତାପୋ ଦେଵଜନୋ ଦେଵନାୟକ ଵିଧିପ୍ରମୁଖଃ ।
ଶୀତଲଶାନ୍ତପ୍ରଭୂତାଂ ଛାୟାଂ ତଵ ଵିପୁଲବାହୁକଲ୍ପଦ୍ରୁମାଣାମ୍ ॥ ୩୭ ॥
ସଙ୍କଲ୍ପଚନ୍ଦ୍ରକ୍ଷୋଭିତତ୍ରିଗୁଣୋଦଧି ଵିପୁଲବୁଦ୍ବୁଦପ୍ରକରୈଃ ।
ବ୍ରହ୍ମାଣ୍ଡୈରପି ଭରିତଂ କିଙ୍କରସତ୍ୟ ତଵ କସ୍ମାନ୍ନୁ କୃଶମୁଦରମ୍ ॥ ୩୮ ॥
ନାଭିରୁହଂ ତଵ ନଲିନଂ ଭୁଜଗେଶ୍ଵରନଗରନାଥ ଶୋଭତେ ସୁଭଗମ୍ ।
ମଧ୍ୟସ୍ଥିତବ୍ରହ୍ମଭ୍ରମରଂ ଵତ୍ସାସନଲକ୍ଷ୍ମୀପାଦପୀଠସଦୃକ୍ଷମ୍ ॥ ୩୯ ॥
ଦୃଢପୀଡିତମଧୁକୈଟଭଶୋଣିତପଟଲପରିପାଟଲାମ୍ବରଘଟିତା ।
ରାଜତ୍ୟଚ୍ୟୁତ ମୁଖରା ରତିନାଥ ଗଜେନ୍ଦ୍ରଶୃଙ୍ଖଲା ତଵ ରଶନା ॥ ୪୦ ॥
ଦାସାନାଂ ସତ୍ୟ ଦୃଶ୍ୟତେ ଦାନଵଵୀରାଣାଂ ଦୀର୍ଘନିଦ୍ରାଶୟନମ୍ ।
ତଵୋଦରସ୍ଥିତତ୍ରିଭୁଵନପ୍ରାସାଦସ୍ତମ୍ଭସଚ୍ଛାୟମୂରୁୟୁଗମ୍ ॥ ୪୧ ॥
ଜାନୁମଣିଦର୍ପଣେନ ଚ ଜଙ୍ଘାମରକତକଲାଚିକୟା ଚ ଧନ୍ୟା ।
ଅଚ୍ୟୁତ ନ ମୁଞ୍ଚତି କାନ୍ତଃ ଲକ୍ଷ୍ମୀରିଵ ସରୋଜଲାଞ୍ଛନୌ ତଵ ଚରଣୌ ॥ ୪୨ ॥
ଶ୍ରୁତିସୀମନ୍ତପ୍ରସୂନଂ ଶୋଭତେ ନତସତ୍ୟ ତଵ ସର୍ଵଶରଣ୍ୟମ୍ ।
କ୍ରମଣକ୍ଷଣଜନିତସୁରନଦୀପ୍ରଶମିତତ୍ରୈଲୋକ୍ୟପାତକଂ ପଦପଦ୍ମମ୍ ॥ ୪୩ ॥
ଇତି ତ୍ରିଭୁଵନୈକମୂଲମାସ୍ଵାଦୟନ୍ତ୍ୟନଘା ଅମୃତସ୍ଵାଦୁରସମ୍ ।
ଓଷଧିମହୀଧରପାର୍ଶ୍ଵ ଉଦିତଂ ତ୍ଵାମୋଷଧିମିଵ ଦାସରୁଜାମ୍ ॥ ୪୪ ॥
ସିଦ୍ଧାଞ୍ଜନମିଵ ଶ୍ୟାମାଂ ତଵ ତନୁଂ ନିଜଵିଲୋଚନେଷୁ କ୍ଷିପନ୍ତଃ ।
ଅଚ୍ୟୁତ ଲକ୍ଷ୍ମୀନିଵାସଂ ନିତ୍ୟନିଗୂଢଂ ନିଧିମିଵ ପଶ୍ୟନ୍ତି ତ୍ଵାମ୍ ॥ ୪୫ ॥
ଵିଘଟିତ ନିବିଡାନ୍ଧକାରୋ ଘଟମାନଜ୍ୟୋତିସ୍ତ୍ରିଲୋକୈକଗ୍ରହପତିଃ ।
ଦୃଷ୍ଟଗତୋ ୟେଷାଂ ତ୍ଵଂ ନମତ୍ସତ୍ୟ ନ ଖଲୁ ତେଷାଂ ମୋହତ୍ରିୟାମା ॥ ୪୬ ॥
ଵିଷୟରସେ ଵିରକ୍ତାଃ ଵିକାରଜନନୈରପି ଚ ନ ଖଲୁ ଵିକ୍ରିୟମାଣାଃ ।
ଜୀଵନ୍ମୁକ୍ତସଦୃଶା ଅଚ୍ୟୁତ ଦୃଶ୍ୟନ୍ତେ ପାଵନାସ୍ତଵ ଭକ୍ତାଃ ॥ ୪୭ ॥
ଗନ୍ଧର୍ଵନଗରସ୍ଵପ୍ନସଦୃକ୍ଷାଣାଂ ଶ୍ରିୟାଂ ଵନସରିତାମ୍ ।
ନ ସ୍ମରତି ତ୍ଵଦ୍ଗୃହୀତଃ ଶରଣାଗତସଦାମଦୋ ଜୀଵଗଜଃ ॥ ୪୮ ॥
ନ ମହୟନ୍ତି ଜ୍ଞାନଵନ୍ତଃ ତରଙ୍ଗଡିଣ୍ଡୀରବୁଦ୍ବୁଦସଦୃକ୍ଷାଣି ।
ଵିଧିପ୍ରମୁଖାଣାଂ ପଦାନି ଘନକନ୍ଦଲୀକନ୍ଦ କଦଲୀସ୍ତମ୍ଭସମାନି ॥ ୪୯ ॥
ଦୃଷ୍ଟସ୍ଵପରସ୍ଵଭାଵାଃ ପୁରୁଷା ଗୃହୀତ୍ଵା ସ୍ଵାମିନସ୍ତଵ ଶୀଲମ୍ ।
ନାଥ ନତସତ୍ୟ ସଘୃଣାଃ ନ ମୁଞ୍ଚତି କଥମପି ସର୍ଵଜନସୌହାର୍ଦମ୍ ॥ ୫୦ ॥
ମାନମଦେର୍ଷ୍ୟାମତ୍ସରଦମ୍ଭାସୂୟାଭୟାମର୍ଷଲୋଭମୁଖାଃ ।
ଦୃଶ୍ୟନ୍ତେ ନ ମୋହସୁତାଃ ଦୋଷା ଦାସାନାଂ ସତ୍ୟ ତଵ ଭକ୍ତାନାମ୍ ॥ ୫୧ ॥
ୟେଷାଂ ମତିରିତରମୁଖୀ କାଲଃ ସକଲୋଽପି ତେଷାଂ କଲିଵିସ୍ତାରଃ ।
ୟେ ତଵ ପଦେ ପ୍ରଵଣାଃ ନାସ୍ତି କଲିର୍ନାଗପତିନଗରପତେ ତେଷାମ୍ ॥ ୫୨ ॥
ଅତ୍ୟାସନ୍ନଵିନାଶାଃ ଅଚ୍ୟୁତ ପଶ୍ୟନ୍ତି ତାଵକେ ଭକ୍ତଜନେ ।
ମୋକ୍ଷରୁଚୀନାଂ ମୂଢା ଦିଵସକରମଣ୍ଡଲ ଇଵ ଚ୍ଛିଦ୍ରମ୍ ॥ ୫୩ ॥
ନିତ୍ରୁଟିତଦୁର୍ମାନଘନାଃ ନିର୍ମଲଗୁଣଘଟିତତାରକାପ୍ରାଗ୍ଭାରାଃ ।
ଭାସମାନଭକ୍ତିଜ୍ୟୋତ୍ସ୍ନାଃ ନତସତ୍ୟ ସ୍ଫୁରନ୍ତି ନଭୋନିଭାସ୍ତଵ ଭକ୍ତାଃ ॥
ନ ଖଲୁ ୟମଵିଷୟେ ଗତିର୍ନତସତ୍ୟ ପଦାମ୍ବୁଜଂ ତଵ ପ୍ରପନ୍ନାନାମ୍ ।
ସ୍ଖଲିତାନାମପି ୟଥାୟୋଗ୍ୟଂ ଶିକ୍ଷା ଶୁଦ୍ଧାନ୍ତକିଙ୍କରାଣାମିଵ ଲଘ୍ଵୀ ॥ ୫୫ ॥
କର୍ମଗତିଦୋଷଦୁଃଖିତାଃ କୃତାନ୍ତଭ୍ରୁକୁଟୀଭୁଜଙ୍ଗୀଦର୍ଶନତ୍ରସ୍ତାଃ ।
ଅର୍ଚନ୍ତି ତଵ ଚରଣୌ ଅଚ୍ୟୁତ ପ୍ରଭ୍ରଷ୍ଟମନ୍ମଥରସାସ୍ଵାଦାଃ ॥ ୫୬ ॥
ଆଲଗତି ତଵ ଚରଣୌ ଅଚ୍ୟୁତ ଵିଧିନାଽପ୍ୟର୍ଚନାଽଽଚରିତା ।
ୟୈକାନ୍ତପ୍ରୟୁକ୍ତା ଶେଷାମିଵ ସ୍ଵୟଂ ଶିରସା ପ୍ରତିଗୃହ୍ଣାସି ତାମ୍ ॥ ୫୭ ॥
ତଵ ମୁଖଜ୍ୟୋତ୍ସ୍ନା ଦ୍ରାଵିତମାନସଶଶିକାନ୍ତପ୍ରଵାହସନ୍ନିଭବାଷ୍ପାନ୍ ।
ଅଚ୍ୟୁତ ନ ମୁଞ୍ଚସି ଭକ୍ତାନ୍ କଦମ୍ବଗୋଲନିଭକଣ୍ଟକାୟମାନନିଜାଙ୍ଗାନ୍ ॥
ସର୍ଵେଽପି ନିର୍ଵୈରାଃ ଶରଣାଗତସତ୍ୟ ଗୃହୀତଶାଶ୍ଵତଧର୍ମାଃ ।
ଗତସଙ୍ଗାସ୍ତଵ ଭକ୍ତାଃ ୟାନ୍ତି ତ୍ଵାମେଵ ଦୁର୍ଲଭମିତରୈଃ ॥ ୫୯ ॥
ଅହିପତିନଗରେନ୍ଦ୍ର ତ୍ଵାଂ ଆସନ୍ନମପି ଗଗନମିଵ ସଦା ଦୁର୍ଗ୍ରହମ୍ ।
ଵିଷୟେଷୁ ଵିଲଗନ୍ତଃ ତ୍ଵରମାଣା ଅପି ନ ଲଭନ୍ତେ ଡୋଲାୟମାନମନସଃ ॥ ୬୦ ॥
ଭକ୍ତାସ୍ତାଵକସେଵାରସଭରିତାଃ ସକଲରକ୍ଷଣୋତ୍ସୁକରୁଚିନା ।
କରଣାନି ଧରନ୍ତି ଚିରଂ କାଙ୍କ୍ଷିତମୋକ୍ଷା ଅପ୍ୟଚ୍ୟୁତ ତ୍ଵୟା ସ୍ଥାପିତାଃ ॥
ସ୍ଥିରଗୁଣଗିରିଜନିତୈଃ ସନ୍ତାରୟସି ନତସତ୍ୟ ନିଜଭକ୍ତୈଃ ।
ଜନ୍ମପରିପାଟୀଜଲଧିଂ ଜଙ୍ଗମସ୍ଥିରସେତୁଦର୍ଶନୀୟୈର୍ଜନାନ୍ ॥ ୬୨ ॥
ପ୍ରଶମିତଭଵାନ୍ତରଭୟାଃ ପ୍ରାପ୍ତଂ ପ୍ରାପ୍ତଂ ହିତମିତି ପରିପଶ୍ୟନ୍ତଃ ।
ଭାଵୟନ୍ତି ତଵ ଭକ୍ତାଃ ପ୍ରିୟାତିଥିମିଵ ନତସତ୍ୟ ପଶ୍ଚିମଦିଵସମ୍ ॥ ୬୩ ॥
ପ୍ରକଟତିମିରେ ଭୁଵନେ ପାତ୍ରପ୍ରତିଷ୍ଠାପିତପରମଜ୍ଞାନପ୍ରଦୀପାଃ ।
ନୀୟନ୍ତେଽଚ୍ୟୁତ ତ୍ଵୟା ନିଜଂ ପଦଂ ସଦା ସ୍ଵୟମ୍ପ୍ରଭଂ କୃତକାର୍ୟାଃ ॥ ୬୪ ॥
ଦୃଢତୀଵ୍ରଭକ୍ତିନୟନାଃ ପରିପଶ୍ୟନ୍ତୋଽହୀନ୍ଦ୍ରପୁରନାଥ ତ୍ଵାମ୍ ।
ପ୍ରାପ୍ତାସ୍ତଵ ସାୟୁଜ୍ୟଂ ପଙ୍କ୍ତିଂ ପୂରୟନ୍ତି ପନ୍ନଗେନ୍ଦ୍ରମୁଖାନାମ୍ ॥ ୬୫ ॥
ସନ୍ନତସୁଲଭମଚ୍ୟୁତ ସମାଧିସୋପାନକ୍ରମଵିଲମ୍ବଵିମୁଖିତାଃ ।
ଶରଣଂ ଗତ୍ଵା ତ୍ଵାଂ ମୁକ୍ତା ମୁଚୁକୁନ୍ଦ କ୍ଷତ୍ରବନ୍ଧୁପ୍ରମୁଖାଃ ॥ ୬୬ ॥
ଦେଵାନାଂ ପଶୁସମାନୋ ଜନ୍ତୁର୍ଗତ୍ଵା ଦେଵନାଥ ତଵ ପଦମ୍ ।
ତୈରେଵ ସର୍ଵୈଃ ସଂସରମାଣୈର୍ଭଵତି ସଦା ଦତ୍ତବଲିଃ ॥ ୬୭ ॥
ମୋହାନ୍ଧକାରମହାର୍ଣଵମୂର୍ଚ୍ଛିତମାୟାମହାରଜନିପ୍ରତ୍ୟୂଷଃ ।
ଅଚ୍ୟୁତ ତଵ କଟାକ୍ଷୋ ଵିମୁକ୍ତିପ୍ରସ୍ଥାନପ୍ରଥମପରିକରବନ୍ଧଃ ॥ ୬୮ ॥
ମୋକ୍ଷସୁଖଵୃକ୍ଷମୂଲଂ ମୋହଜରାତୁରମହାରସାୟନପ୍ରଵରମ୍ ।
ସକଲକୁଶଲୈକକ୍ଷେତ୍ରଂ କିଙ୍କରସତ୍ୟ ତଵ କୀର୍ତନମମୃତନିଭମ୍ ॥ ୬୯ ॥
ନାସ୍ତ୍ୟଭିକ୍ରମନାଶୋ ଵିଚ୍ଛେଦେଽପି ପ୍ରତ୍ୟଵାୟପ୍ରସଙ୍ଗଃ ।
ସ୍ଵଲ୍ପାଽପି ତଵ ସପର୍ୟା ରକ୍ଷତ୍ୟଚ୍ୟୁତ ମହତ୍ତରାଦ୍ଭୟାତ୍ ॥ ୭୦ ॥
ଅପ୍ରସାଦେ ଅପ୍ରସନ୍ନାସ୍ତଵ ପ୍ରସାଦେ ଦାସସତ୍ୟ ପ୍ରସନ୍ନାଃ ।
ଆରାଧ୍ୟା ଭଵନ୍ତି ପରେ କିଂ ତୈଃ ପ୍ରସଙ୍ଗଲମ୍ଭିତପ୍ରଭାଵୈଃ ॥ ୭୧ ॥
ଇତରତ୍ରିଦଶାଃ ପ୍ରସନ୍ନାଃ କିଙ୍କରସତ୍ୟ ମମ କିଂ ନୁ କରିଷ୍ୟନ୍ତି ହିତମ୍ ।
ନୀହାରଘନଶତୈର୍ନ ଖଲୁ ପୂର୍ୟତେ କଥମପି ଚାତକତୃଷ୍ଣା ॥ ୭୨ ॥
ଅନୁଗତସୁଖମୃଗତୃଷ୍ଣା ଅଚ୍ୟୁତ ଵିଶ୍ରାମ୍ୟତି ତଵ ମାମକତୃଷ୍ଣା ।
ପ୍ରଵାହେଷୁ ପ୍ରସୃତାୟାଃ ଆଶ୍ରିତପ୍ରଵହଦ୍ଧନକୃପାସରିତଃ ॥ ୭୩ ॥
ଵିକଲସକଲାଙ୍ଗଵିଷମାନ୍ ଧର୍ମାନ୍ ନତସତ୍ୟ ଧ୍ଵଜନିଭାନ୍ ଧାରୟନ୍ ।
କାନ୍ତାରପାନ୍ଥକ ଇଵ ସ୍ଖଲଚ୍ଚରଣୋଽସ୍ମି କାତରଵିଶୀର୍ୟମାଣଃ ॥ ୭୪ ॥
ସ୍ଥିରଧର୍ମଵର୍ମସ୍ଥଗିତଂ ଅଧର୍ମପ୍ରଵଣାନାମଗ୍ରସ୍କନ୍ଧପ୍ରଵୃତ୍ତମ୍ ।
ଅଘଟମାନଵିପ୍ରତୀସାରମଚ୍ୟୁତ ମାଂ ହସସି ନୂନଂ ଲକ୍ଷ୍ମୀସମକ୍ଷମ୍ ॥ ୭୫ ॥
ତରିତୁମଚ୍ୟୁତ ଦୁରିତମସ୍ମିନ୍ ଦେହ ଏକ ଦିଵସେଽପି କୃତମ୍ ।
କାଲୋଽଲଂ ନ ସକଲଃ କରୁଣାୟାସ୍ତଵ ପୂର୍ଣପାତ୍ରମସ୍ମ୍ୟୟମ୍ ॥ ୭୬ ॥
ଅଚ୍ୟୁତ ତଵ ଗୁଣାନାଂ ମମ ଦୋଷାଣାମପି ନାସ୍ତି କୁତ୍ରାପି ଗଣନା ।
ତଥାପି ଜୟଃ ପ୍ରଥମାନାମଧିକଂ ଲୀନାନାଂ ଭଵତି ନ ଖଲୁ ଦୌର୍ବଲ୍ୟମ୍ ॥ ୭୭ ॥
ରାତ୍ରିଂ ଦିଵସମଚ୍ୟୁତ ତ୍ରୁଟିତଃ ପତନ୍ତ୍ୟାୟୁର୍ଦ୍ରୁମଖଣ୍ଡାନି ।
ଦୃଷ୍ଟ୍ଵାପି ଦୃପ୍ତମନସଂ ବାଲମିଦାନୀମପି ଭରସ୍ଵ ମାମପ୍ରମତ୍ତଃ ॥ ୭୮ ॥
ନିଶ୍ଵାସଶଙ୍କନୀୟେ ଦେହେ ପଟଲାନ୍ତସଲିଲବିନ୍ଦୁସଦୃକ୍ଷେ ।
ଜାନାସି ନତସତ୍ୟ ତ୍ଵଂ ଜରତ୍କରଣେଽପି ଦୀର୍ଘୟୌଵନତୃଷ୍ଣମ୍ ॥ ୭୯ ॥
ଅଜ୍ଞାତନିଜକର୍ତଵ୍ୟଂ ୟଦୃଚ୍ଛୟା ଜ୍ଞାତେଷୁ ମାମପି ପ୍ରତିକୂଲଗତିମ୍ ।
ଇତି ନିଜସ୍ଵଭାଵଵ୍ରୀଲିତଂ ହାତୁଂ ଦାସାନାଂ ସତ୍ୟ ନ ଖଲୁ ତଵ ୟୁକ୍ତମ୍ ॥ ୮୦ ॥
କୋଽହଂ କିଂ କରଣୀୟଂ ପରିହରଣୀୟମପି କିମିତି ଜାନାସି ସର୍ଵମ୍ ।
ଶକ୍ନୋଷି ଚ ତଦ୍ଧିତଂ ମମ ତ୍ରିଦଶେଶ୍ଵର କୁରୁଷ୍ଵ ନିଜହୃଦୟନିକ୍ଷିପ୍ତମ୍ ॥ ୮୧ ॥
ଇଦାନୀମୁପର୍ୟପ୍ୟୟଂ ଗୁଣଗୃହୀତୋ ଦାରୁପୁତ୍ରକ ଇଵ ପରଵଶଃ ।
ତସ୍ୟାପି ମମ ତ୍ରିଦଶେଶ୍ଵର ତ୍ରିଷ୍ଵପି କରଣେଷୁ ଭଵ ସୁଖସଙ୍କଲ୍ପଃ ॥ ୮୨ ॥
ନିଜକର୍ମନିଗଲୟୁଗଲମଚ୍ୟୁତ କୃତ୍ଵା ମମ ପ୍ରିୟାପ୍ରିୟଵର୍ଗେ ।
କଦା ଘୋରକଲେବରକାରାଗୃହକୁହରନିର୍ଗତଂ କରିଷ୍ୟସି ମାମ୍ ॥ ୮୩ ॥
ହାର୍ଦେ ତ୍ଵୟି କଦା ଵିଶ୍ରାନ୍ତଂ ବ୍ରହ୍ମଧମନିମାର୍ଗଂ ଗମିଷ୍ୟନ୍ତମ୍ ।
ଦିନକରଦତ୍ତାଗ୍ରକରମଚ୍ୟୁତ ଦ୍ରକ୍ଷ୍ୟସି ଦୟିତ ଡିମ୍ଭମିଵ ମାମ୍ ॥ ୮୪ ॥
କଦା ଅମାନଵାନ୍ତାଃ ଅଗ୍ନିମୁଖା ଆତିଵାହିକାସ୍ତଵ ପୁରୁଷାଃ ।
ଅତିଲଙ୍ଘୟିଷ୍ୟନ୍ତି ମାମଚ୍ୟୁତ ତମୋଗହନତ୍ରିଗୁଣମରୁକାନ୍ତାରମ୍ ॥ ୮୫ ॥
ଲଙ୍ଘିତଵିରଜାସରିତଂ ଲମ୍ଭିତ ସଦା ଶୁଦ୍ଧସତ୍ତ୍ଵମୟ ସୌମ୍ୟତନୁମ୍ ।
କୃତବ୍ରହ୍ମାଲଙ୍କାରଂ କରିଷ୍ୟସି ନତସତ୍ୟ କିଙ୍କରଂ କଦା ମାମ୍ ॥ ୮୬ ॥
ସଂସାରସାଗରାଦୁତ୍କ୍ଷିପ୍ତଂ ତ୍ରିଦଶନାଥ ସ୍ଫୁରିତାଲୋକମ୍ ।
କଦା କରିଷ୍ୟସି ହୃଦୟେ କୌସ୍ତୁଭମଣିଦର୍ପଣମିଵ ଲକ୍ଷ୍ମୀପୁଲକିତମ୍ ॥ ୮୭ ॥
କଦା ତଵ ପାଦପଦ୍ମେ ଭଵିଷ୍ୟାମି ନତସତ୍ୟ କେଲିକ୍ରାନ୍ତ ତ୍ରିଭୁଵନେ
ମଦନରିପୁମକୁଟମଣ୍ଡନସୁରସରିତ୍ସ୍ରୋତଃ ସୂଚିତମଧୁପ୍ରଵାହେ ॥ ୮୮ ॥
ଉପନିଷଚ୍ଛିରଃ କୁସୁମମୁତ୍ତଂସୟିତ୍ଵା ତଵ ପଦାମ୍ବୁଜୟୁଗଳମ୍ ।
ଦୟିତୋ ଭଵିଷ୍ୟାମି କଦା ଦାସୋ ଦାସାନାଂ ସତ୍ୟ ସୂରିସଦୃକ୍ଷଃ ॥ ୮୯ ॥
ଅପୁନର୍ନିଵୃତ୍ତିୟୋଗ୍ୟମଵତାରଵିହାରସହଚରତ୍ଵଧନ୍ୟମ୍ ।
ଆତ୍ମସମଭୋଗମାତ୍ରମନୁଭଵିଷ୍ୟସି ଦେଵନାଥ କଦା ନୁ ମାମ୍ ॥ ୯୦ ॥
ଇତି ସ୍ଫୁଟମନୋରଥଂ ମାମେତାଦୃଶଵଚନମାତ୍ରସାରଂ ଵଶଗମ୍ ।
କୁରୁଷ୍ଵ ନିଜଗୁଣଗଣୈଃ ସତ୍ୟଂ ଦାସାନାଂ ସତ୍ୟ ସଦା ସ୍ଵଚ୍ଛନ୍ଦଃ ॥ ୯୧ ॥
ବାଲପ୍ଲଵଗ ଇଵ ତରଳୋ ମାରୁତିଜାତିରିତି ସାଗରଂ ତରିତୁମନାଃ ।
ପ୍ରାର୍ଥୟେ ତ୍ଵାମଚ୍ୟୁତ କାଙ୍କ୍ଷିତପଦପଦ୍ମ କ୍ଷମସ୍ଵ ମମ କାପେୟମ୍ ॥ ୯୨ ॥
ଅଚ୍ୟୁତଵିଷୟାକ୍ରାନ୍ତଂ ଭଵାର୍ଣଵାଵର୍ତଭ୍ରମି ନିସ୍ତ୍ରୁଟ୍ୟମାନମ୍ ।
ଜନନୀ ସ୍ତନନ୍ଧୟମିଵ ମାମୁଦ୍ଧୃତ୍ୟ ସେଵସ୍ଵ ସ୍ଵୟଂ ପଥ୍ୟମ୍ ॥ ୯୩ ॥
କର୍ମମୟଘର୍ମତପ୍ତଂ ସୁଖମୃଗତୃଷ୍ଣାଭିଃ କଦାଽପ୍ୟତୃଷ୍ଣାକମ୍ ।
କାରୟ ନିର୍ଵୃତଂ ମାଂ କରକାଶିଶିରୈରଚ୍ୟୁତ କଟାକ୍ଷୈଃ ॥ ୯୪ ॥
ତଵ ଚିନ୍ତନଵିମୁଖାନାଂ ଦୃଷ୍ଟଵିଷାଣାମିଵ ଦର୍ଶନାନ୍ମୋଚୟନ୍ ।
ଅମୃତମୁଖାନାମିଵ ମାମଚ୍ୟୁତ ଭକ୍ତାନାଂ ନୟସ୍ଵ ନୟନାସାରମ୍ ॥ ୯୫ ॥
ଵିଷମିଲିତମଧୁନିଭେଷୁ ଚ ତୃଣପ୍ରତିମେଷୁ ଚ ପ୍ରତିଗ୍ରହେଷୁ ପ୍ରଲୁଠିତମ୍ ।
ଅମୃତନିଧାଵିଵାଚ୍ୟୁତ ସ୍ଥାପୟ ତ୍ଵୟି ନିର୍ମମଂ ମମ ହୃଦୟମ୍ ॥ ୯୬ ॥
ନିତ୍ୟମସ୍ମିନ୍ କୃପଣେ ନିକ୍ଷିପ ନମତ୍ସତ୍ୟ ନିଧିସଦୃକ୍ଷୌ ।
ପ୍ରଵହନ୍ନଖପ୍ରଭାଝରପ୍ରଶମିତପ୍ରଣମତ୍ସଞ୍ଜ୍ଵରୌ ତଵ ଚରଣୌ ॥ ୯୭ ॥
ଶରଣାଗତ ଇତି ଜନିତେ ଜନଵାଦେଽପି ୟଦ୍ୟଚ୍ୟୁତ ନ ରକ୍ଷସି ମାମ୍ ।
ଭଵେତ୍ଖଲୁ ସାଗରଘୋଷଃ ସାଗରପୁଲିନେ ତାଦୃଶଂ ତଵ ଵଚନମ୍ ॥ ୯୮ ॥
ନିକ୍ଷିପ୍ତୋଽସ୍ମି ଚାଗତିଃ ନିପୁଣୈସ୍ତ୍ଵୟି ନାଥ କାରୁଣିକୈଃ ।
ତାଂସ୍ତଵ ଦୃଷ୍ଟ୍ଵା ପ୍ରିୟାନ୍ ଭୃତଂ ନତସତ୍ୟ ଭରସ୍ଵାତ୍ମନୋ ଭରମ୍ ॥ ୯୯ ॥
ନତସତ୍ୟ ପକ୍କଣାନୀତଗଲିତକିରାତଭ୍ରମନିଜକୁମାରମିଵ ନୃପଃ ।
ଭଵିଷ୍ୟଦ୍ୟୌଵନଵଧୂଂ ଵର ଇଵ ମାଂ ଲଭସ୍ଵ ମନ୍ତ୍ରଜନଵିଜ୍ଞାପିତମ୍ ॥ ୧୦୦ ॥
ଇତି କଵିତାର୍କିକକେସରି ଵେଦାନ୍ତାଚାର୍ୟ ଵେଙ୍କଟେଶଵିରଚିତମ୍ ।
ସୁଭଗମଚ୍ୟୁତଶତକଂ ସହୃଦୟହୃଦୟେଷୁ ଶୋଭତାଂ ସମଗ୍ରଗୁଣମ୍ ॥ ୧୦୧ ॥
ଇତି ଵେଦାନ୍ତଦେଶିକଵିରଚିତଂ ଅଚ୍ୟୁତଶତକଂ ସମ୍ପୂର୍ଣମ୍ ।
Also Read Achyutashtakam:
Achyuta Ashtakam in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
