Sri Gokuleshashtottarashatanama Stotram Lyrics in Oriya:
ଶ୍ରୀଗୋକୁଲେଶାଷ୍ଟୋତ୍ତରଶତନାମସ୍ତୋତ୍ରମ୍
ୟନ୍ନାମାବ୍ଜଂ ସଦାପୂର୍ଣଂ କୃପାଜ୍ୟୋତ୍ସ୍ନାସମନ୍ଵିତମ୍ ।
ପୁଷ୍ଟିଭକ୍ତିସୁଧାଵୃଷ୍ଟିକାରକଂ ଚ ସୁଖାଲ୍ପଦମ୍ ॥ ୧ ॥
ଅଥ ନାମଶତଂ ସାଷ୍ଟଂ ଵଲ୍ଲଭସ୍ୟ ଵଦାମ୍ୟହମ୍ ।
ଦେଵତା ଵଲ୍ଲଭୋ ନାମ୍ନାଂ ଛନ୍ଦୋଽନୁଷ୍ଟୁପ୍ ସୁଖାକରମ୍ ॥ ୨ ॥
ଫଲଂ ତୁ ତତ୍ପଦାମ୍ଭୋଜେ ଵ୍ୟସନଂ ସର୍ଵଦା ଭଵେତ୍ ।
ଋଷିସ୍ତୁ ଵିଷ୍ଣୁଦାସୋଽତ୍ର ଦାସାୟ ଵରଣଂ ମତମ୍ ॥ ୩ ॥
ଵଲ୍ଲଭୋ ଗୋକୁଲେଶଶ୍ଚ ଵିଠ୍ଠଲେଶପ୍ରିୟାତ୍ମଜଃ ।
ତାତତୁଲ୍ୟସ୍ଵଭାଵସ୍ଥୋ ଵ୍ରଜମଙ୍ଗଲଭୂଷଣଃ ॥ ୪ ॥
ଧରାଧରସ୍ନେହଦାନ୍ତୋ ବହୁନିର୍ଦୋଷଵିଗ୍ରହଃ ।
ଭଜନାନନ୍ଦପୀୟୂଷପୂର୍ଣୋ ମଞ୍ଜୁଦୃଗଞ୍ଚଲଃ ॥ ୫ ॥
ଦାସଵୃନ୍ଦଚକୋରେନ୍ଦୁଃ କରୁଣାଦୃଷ୍ଟିଵୃଷ୍ଟିକୃତ୍ ।
ଷଟ୍କର୍ମଵାଞ୍ଜନାଧାରଃ ପ୍ରତୀତଃ ପୁରୁଷୋତ୍ତମଃ ॥ ୬ ॥
ଦାସଲୀଲାଵିଷ୍ଟଚିତ୍ତୋ ଗୋପୀଵଲ୍ଲଭଵଲ୍ଲଭଃ ।
ଗୃହସ୍ଥଧର୍ମକର୍ତା ଚ ମର୍ୟାଦାମାର୍ଗରକ୍ଷକଃ ॥ ୭ ॥
ପୁଷ୍ଟିମାର୍ଗସ୍ଥିତୋ ନିତ୍ୟଂ କୃଷ୍ଣପ୍ରେମରସାତ୍ମକଃ ।
ଦ୍ଵିଜଦାରିଦ୍ର୍ୟଦୁଃଖଘ୍ନୋ ଵାଞ୍ଛାକଲ୍ପତରୁର୍ମହାନ୍ ॥ ୮ ॥
ଅନନ୍ୟଭକ୍ତଭାଵଜ୍ଞୋ ମୋହନାଦିସୁଖପ୍ରଦଃ ।
ଵଲ୍ଲଭେଷ୍ଟପ୍ରଦୋ ନିତ୍ୟଂ ଗୋକୁଲପ୍ରୀତିଵର୍ଧନଃ ॥ ୯ ॥
ଦାସଜୀଵନରୂପଶ୍ଚ କନ୍ଦର୍ପାଦପି ସୁନ୍ଦରଃ ।
ପାଦପଦ୍ମରସସ୍ପର୍ଶସର୍ଵାରିଷ୍ଟନିଵାରକଃ ॥ ୧୦ ॥
ମାଲୀରକ୍ଷଣକର୍ତା ଚ ଶୁଦ୍ଧସତ୍କୀର୍ତିଵର୍ଧନଃ ।
ଦୁଷ୍ଟାନାନ୍ଦୋଷହନ୍ତା ୟୋ ଭକ୍ତନିର୍ଭୟକାରକଃ ॥ ୧୧ ॥
ଇନ୍ଦ୍ରାଦିଭିର୍ନତୋ ଦକ୍ଷୋ ଲାଵଣ୍ୟାମୃତଵାରିଧିଃ ।
ରସିକୋ ଦ୍ଵିଜରାଜାଖ୍ୟୋ ଦ୍ଵିଜଵଂଶଵିଭୂଷଣଃ ॥ ୧୨ ॥
ଅସାଧାରଣସଦ୍ଧର୍ମା ସାଧାରଃ ସୁଜନାଶ୍ରିତଃ ।
କ୍ଷମାଵାନ୍ କ୍ରୋଧମାତ୍ସର୍ୟତିରସ୍କାରାଦିଵର୍ଜିତଃ ॥ ୧୩ ॥
ଗୋପୀକାନ୍ତୋ ମନୋହାରୀ ଦାମୋଦରଗୁଣୋତ୍ସଵଃ ।
ଵିହାରୀ ଭକ୍ତପ୍ରାଣେଶୋ ରାଜୀଵଦଲଲୋଚନଃ ॥ ୧୪ ॥
ମୁକୁନ୍ଦାନୁଗ୍ରହୋତ୍ସାହୀ ଭକ୍ତିମାର୍ଗରସାତ୍ମକଃ ।
ଭକ୍ତଭାଗ୍ୟଫଲଂ ଧୀରୋ ବନ୍ଧୁସଜ୍ଜନଵେଷ୍ଟିତଃ ॥ ୧୫ ॥
ଵଚନାମୃତମାଧୁର୍ୟତୃପ୍ତସେଵକସଂସ୍ତୁତଃ ।
ନିତ୍ୟୋତ୍ସଵୋ ନିତ୍ୟଶ୍ରେୟୋ ନିତ୍ୟଦାନପରାୟଣଃ ॥ ୧୬ ॥
ଭଵବନ୍ଧନଦୁଃଖଘ୍ନୋ ମହଦାଧିଵିନାଶକଃ ।
ରସଭାଵନିଗୂଢାତ୍ମା ସ୍ଵୀୟେଷୁ ଜ୍ଞାପିତାଶୟଃ ॥ ୧୭ ॥ Possible missing verse
ନୟନାନନ୍ଦକର୍ତା ଚ ଵିଶ୍ଵମୋହନରୂପଧୃକ୍ ।
ଶ୍ରୁତିସ୍ମୃତିପୁରାଣାଦି-ଶାସ୍ତ୍ରାତତ୍ତ୍ଵାର୍ଥପାରଗଃ ॥ ୧୮ ॥
ଧନାଢ୍ୟୋ ଧନଦୋ ଧର୍ମରକ୍ଷାକର୍ତା ଶୁଭପ୍ରଦଃ ।
ସର୍ଵେଶ୍ଵରଃ ସଦାପୂର୍ଣଜ୍ଞାନଵାନ୍ ଵିବୁଧପ୍ରିୟଃ ॥ ୧୯ ॥
ବ୍ରହ୍ମଵାଦେ ସଵିଶ୍ଵାସୋ ମାୟାଵାଦାଦିଖଣ୍ଡନଃ ।
ଉଗ୍ରପ୍ରତାପଵାନ୍ ଧ୍ୟେୟୋ ଭୃତ୍ୟଦୁଃଖନିଵାରକଃ ॥ ୨୦ ॥
ସତାମାତ୍ମାଽଜାତଶତ୍ରୁର୍ଜୀଵମାତ୍ରଶୁଭସ୍ପୃହଃ ।
ଦୀନବନ୍ଧୁର୍ଵିଧୁଃ ଶ୍ରୀମାନ୍ ଦୟାଲୁର୍ଭକ୍ତଵତ୍ସଲଃ ॥ ୨୧ ॥
ଅନଵଦ୍ୟସୁସଙ୍କଲ୍ପୋ ଜଗଦୁଦ୍ଧାରଣକ୍ଷମଃ ।
ଅନନ୍ତଶକ୍ତିମାନ୍ ଶୁଦ୍ଧଗମ୍ଭୀରମୃଦୁଲାଶୟଃ ॥ ୨୨ ॥
ପ୍ରଣାମମାତ୍ରସନ୍ତୁଷ୍ଟଃ ସର୍ଵାଧିକସୁଖପ୍ରଦଃ ।
ଶୃଙ୍ଗାରାଦିରସୋତ୍କର୍ଷଚାତୁର୍ୟଵଲିତସ୍ମିତଃ ॥ ୨୩ ॥
ପାଦାମ୍ବୁଜରଜଃସ୍ପର୍ଶମହାପତିତପାଵନଃ ।
ପିତୃପାଲିତସଦ୍ଧର୍ମରକ୍ଷଣୋତ୍ସୁକମାନସଃ ॥ ୨୪ ॥
ଭକ୍ତିସିଦ୍ଧାନ୍ତମର୍ମଜ୍ଞୋ ଗୂଢଭାଵପ୍ରକାଶକଃ ।
ପୁଷ୍ଟିପ୍ରଵାହମର୍ୟାଦାମାର୍ଗନିର୍ଧାରକାରକଃ ॥ ୨୫ ॥
ଶ୍ରୀଭାଗଵତସାରଜ୍ଞୋ ସର୍ଵାଧିକତତ୍ତ୍ଵବୋଧକଃ ।
ଅନନ୍ୟଭାଵସନ୍ତୁଷ୍ଟଃ ପରାଶ୍ରୟନିଵାରକଃ ॥ ୨୬ ॥
ଆଚାର୍ୟାର୍ଧ୍ୟସ୍ଵରୂପଶ୍ଚ ସଦାଦ୍ଭୁତଚରିତ୍ରଵାନ୍ ।
ତୈଲଙ୍ଗତିଲକୋ ଦୈଵୀସୃଷ୍ଟିସାଫଲ୍ୟକାରକଃ ॥ ୨୭ ॥
ଇତି ଶ୍ରୀଗୋକୁଲେଶାନାଂ ନାମାବ୍ଜାଭିଧମୁତ୍ତମମ୍ ।
ସ୍ତୋତ୍ରଂ ସଦ୍ବ୍ରହ୍ମଭଟ୍ଟେନ ଵିଷ୍ଣୁଦାସେନ ଵର୍ଣିତମ୍ ॥ ୨୮ ॥
ୟଃ ପଠେଚ୍ଛୃଣୁୟାଦ୍ଭକ୍ତ୍ୟା ପ୍ରଭୁସ୍ତସ୍ୟ ପ୍ରିୟୋ ଭଵେତ୍ ।
ସଂଶୟୋଽତ୍ର ନ କର୍ତଵ୍ୟଃ ସମର୍ଥୋ ଗୋକୁଲେଶ୍ଵରଃ ॥ ୨୯ ॥
ତତ୍କାରୁଣ୍ୟବଲେନୈଵ ମୟୈତତ୍ପ୍ରକଟୀକୃତମ୍ ।
ପଠନ୍ତୁ ସାଧଵୋଽପ୍ୟେତତ୍ତଦ୍ଵଦ୍ଦେଵାନୁକମ୍ପୟା ॥ ୩୦ ॥
ମଦୀୟେୟଂ ତୁ ଵିଜ୍ଞପ୍ତିର୍ବୁଦ୍ଧିଦୋଷପ୍ରମତ୍ତତାମ୍ ।
ଶୋଧୟିତ୍ଵା ୟଥାୟୁକ୍ତଂ ତଥା କୁର୍ଵନ୍ତୁ ସାଧଵଃ ॥ ୩୧ ॥
ଇତି ଶ୍ରୀଵିଷ୍ଣୁଦାସଵିରଚିତମଷ୍ଟୋତ୍ତରଶତନାମ୍ନାଂ ସ୍ତୋତ୍ରଂ ସମ୍ପୂର୍ଣମ୍ ।
Also Read:
Shri Gokulesh Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
