Garudasahasranama Stotram Lyrics in Bengali:
॥ শ্রীগরুডসহস্রনামস্তোত্রম্ ॥
শ্রীকৃষ্ণভট্টাচার্যপ্রণীতম্ ।
সর্ববেদবৃহন্নীডসমারূঢায় সাক্ষিণে ।
সামবেদস্বরূপায় গরুডায় নমো নমঃ ॥
অস্য শ্রী গরুডসহস্রনামস্তোত্র মহামন্ত্রস্য বাসিষ্ঠ ঋষিঃ,
মাত্রাশ্ছন্দাংসি, সর্বাভীষ্টপ্রদায়ী ভগবান্পক্ষিরাজো গরুডো দেবতা ।
var মোক্ষরাজো গরুডো দেবতা
হলো বীজানি, স্বরাশ্শক্তয়ঃ, বিন্দবঃ কীলকানি,
গরূডরূপিমহাবিষ্ণুপ্রীত্যর্থে জপে বিনিয়োগঃ ।
গরুডাত্মনে অঙ্গুষ্ঠাভ্যাং নমঃ ।
বৈনতেয়ায় তর্জনীভ্যাং নমঃ ।
তার্ক্ষ্যায় মধ্যমাভ্যাং নমঃ ।
খগোত্তমায় অনামিকাভ্যাং নমঃ ।
কপিলাক্ষায় কনিষ্ঠিকাভ্যাং নমঃ ।
নাগাভরণালঙ্কৃতশরীরায় করতলকরপৃষ্ঠাভ্যাং নমঃ ।
এবং হৃদয়াদিন্যাসঃ ॥ ওঁ ভূর্ভুবস্সুবরোমিতি দিগ্বন্ধঃ ॥
ধ্যানম্ ॥
স্বর্ণাভজানুং হিমতুল্যসক্থিমাকণ্ঠরক্তং পরিনীলকেশং ।
নীলাগ্রনাসং হরিতাম্বরাঢ্যং সুপর্ণমীডেঽমৃতকুম্ভহস্তম্ ॥
অথ স্তোত্রম্ ।
সুমুখঃ সুবহঃ সুখকৃত্সুমুখাভিধপন্নগেড্ভূষঃ ।
সুরসঙ্ঘসেবিতাঙ্ঘ্রিঃ সুতদায়ী পাতু নঃ সূরিঃ ॥ ১ ॥
সুজনপরিত্রাতা নঃ সুচরিতসেব্যঃ সুপর্ণোঽব্যাত্ ।
পন্নগভূষঃ পতগঃ পাতা প্রাণাধিপঃ পক্ষী ॥ ২ ॥
পদ্মাদিনাগবৈরী পদ্মাপ্রিয়দাস্যকৃত্ পায়াত্ ।
পতগেন্দ্রঃ পরভেদী পরিহৃতপাকারিদর্পকূটো নঃ ॥ ৩ ॥
নাগারির্নগতুল্যো নাকৌকস্স্তূয়মানচরিতোঽব্যাত্ ।
নরকদকর্মনিহন্তা নরপূজ্যো নাশিতাহিবিষকূটঃ ॥ ৪ ॥
নতরক্ষী নিখিলেড্যো নির্বাণাত্মা নিরস্তদুরিতৌঘঃ ।
সিদ্ধধ্যেয়ঃ সকলঃ সূক্ষ্মোঽব্যাত্ সূর্যকোটি সঙ্কাশঃ ॥ ৫ ॥
সুখরূপী স্বর্ণনিভঃ স্তম্বেরমভোজনঃ সুধাহারী ।
সুমনাঃ সুকীর্তিনাথো গরুডো গম্ভীরঘোষোঽব্যাত্ ॥ ৬ ॥
গালবমিত্রং গেয়ো গীতিজ্ঞঃ পাতু গতিমতাং শ্রেষ্ঠঃ ।
গন্ধর্বার্চ্যো গুহ্যো গুণসিন্ধুর্গোত্রভিন্মান্যঃ ॥ ৭ ॥
রবিসারথিসহজোঽব্যাদ্রত্নাভরণান্বিতো রসজ্ঞো নঃ ।
রুদ্রাকান্তো রুক্মোজ্জলজানূ রজতনিভসক্থিঃ ॥ ৮ ॥
রক্তপ্রভকণ্ঠোঽব্যাদ্রয়িমান্ রাজা রথাঙ্গপাণিরথঃ ।
তার্ক্ষ্যস্তটিন্নিভো নস্তনুমধ্যস্তোষিতাত্মজননীকঃ ॥ ৯ ॥
তারাত্মা মহনীয়ো মতিমান্মুখ্যো মুনীন্দ্রেড্যঃ ।
মাধববাহো রক্ষেত্ ত্রিবৃদাত্মস্তোমশীর্ষো নঃ ॥ ১০ ॥
ত্রিনয়নপূজ্যস্ত্রিয়ুগস্ত্রিষবণমজ্জন্মহাত্মহৃন্নীডঃ ।
ত্রসরেণ্বাদিমনিখিলজ্ঞাতা পায়াত্ত্রিবর্গফলদায়ী ॥ ১১ ॥
ত্র্যক্ষস্ত্রাসিতদৈত্যস্ত্রয়্যন্তেড্যস্ত্রয়ীরূপঃ ।
বৃত্রারিমানহারী বৃষদায়ী দিশতু ভদ্রং নঃ ॥ ১২ ॥
বৃষ্ণিবরাদ্ধ্যুষিতাংসো বৃশ্চিকলূতাদিবিষদাহী ।
বৃকদংশজন্যরোগধ্বংসী নঃ পাতু বিহগরাড্বীরঃ ॥ ১৩ ॥
বিষহৃদ্বিনতাতনুজো বীর্যাঢ্যঃ পাতু তেজসাং রাশিঃ ।
তুর্যাশ্রমিজপ্যমনুস্তৃপ্তস্তৃষ্ণাবিহীনো নঃ ॥ ১৪ ॥
তুলনাহীনস্তর্ক্যস্তক্ষকবৈরী তটিদ্গৌরঃ ।
তারাদিমপঞ্চার্ণরতন্দ্রীরহিতো ধনং দদ্যাত্ ॥ ১৫ ॥
শিতনাসাগ্রঃ শান্তঃ শতমখবৈরিপ্রভঞ্জনঃ শাস্তা ।
শাত্রববীরুদ্দাত্রং শমিতাঘৌঘঃ শরণ্যোঽব্যাত্ ॥ ১৬ ॥
শতদশলোচনসহজঃ পায়াচ্ছকুনঃ শকুন্তাগ্র্যঃ ।
রত্নালঙ্কৃতমূর্তী রসিকো রাজীবচারুচরণয়ুগঃ ॥ ১৭ ॥
রঙ্গেশচারুমিত্রং রোচিষ্মান্পাতু রাজদুরুপক্ষঃ ।
রুচিনির্জিতকনকাদ্রী রঘুপত্যহিপাশবন্ধবিচ্ছেত্তা ॥ ১৮ ॥
রঞ্জিতখগনিবহোঽব্যাদ্রম্যাকারো গতক্রোধঃ ।
গীষ্পতিনুতো গরুত্মান্গীর্বাণেশো গিরাং নাথঃ ॥ ১৯ ॥
গুপ্তস্বভক্তনিবহো গুঞ্জাক্ষো গোপ্রিয়ো গূঢঃ ।
গানপ্রিবো য়তাত্মা য়মিনম্যো য়ক্ষসেব্যোঽব্যাত্ ॥ ২০ ॥
য়জ্ঞপ্রিয়ো য়শস্বী য়জ্ঞাত্মা য়ূথপো য়োগী ।
য়ন্ত্রারাধ্যো য়াগপ্রভবো ভদ্রং সদা কুর্যাত্ ॥ ২১ ॥
ত্রিজগন্নাথস্ত্রস্যত্পন্নগবৃন্দস্ত্রিলোকপরিরক্ষী ।
তৃষিতাচ্যুততৃষ্ণাপহতটিনীজনকো ভৃশং রক্ষেত্ ॥ ২২ ॥
ত্রিবলীরঞ্জিতজঠরস্ত্রিয়ুগগুণাঢ্যস্ত্রিমূর্তিসমতেজাঃ ।
তপনধুতিমকুটোঽব্যাত্তরবারিভ্রাজমানকটিদেশঃ ॥ ২৩ ॥
তাম্রাস্যশ্চক্রধরশ্চীরাম্বরমানসাবাসঃ ।
চূর্ণিতপুলিন্দবৃন্দশ্চারুগতিশ্চোরভয়হাঽব্যাত্ ॥ ২৪ ॥
চঞ্চূপুটভিন্নাহিশ্চর্বিতকমঠশ্চলচ্চেলঃ ।
চিত্রিতপক্ষঃ পায়াচ্চম্পকমালাবিরাজদুরুবক্ষাঃ ॥ ২৫ ॥
ক্ষুভ্যন্নীরধিবেগঃ ক্ষান্তিঃ ক্ষীরাব্ধিবাসনিরতোঽব্যাত্ ।
ক্ষুদ্রগ্রহমর্দী নঃ ক্ষত্রিয়পূজ্যঃ ক্ষয়াদিরোগহরঃ ॥ ২৬ ॥
ক্ষিপ্রশুভোত্করদায়ী ক্ষীণারাতিঃ ক্ষিতিক্ষমাশালী ।
ক্ষিতিতলবাসী ক্ষেমং সোমপ্রিয়দর্শনো দিশতু ॥ ২৭ ॥
সর্বেশস্সহজবলস্সর্বাত্মা সর্বদৃক্ পাতু ।
তর্জিতরক্ষস্সঙ্ঘস্তারাধীশদ্যুতিস্তুষ্টঃ ॥ ২৮ ॥
তপনীয়কান্তিরব্যাত্তত্বজ্ঞানপ্রদঃ সততম্ ।
মান্যো মঞ্জুলভাষী মহিতাত্মা মর্ত্যধর্মরহিতো নঃ ॥ ২৯ ॥
মোচিতবিনতাদাস্যো মুক্তাত্মা মুক্তয়ে ভবতু ।
মহদঞ্চিতচরণাব্জো মুনিপুত্রো মৌক্তিকোজ্জলদ্ধারঃ ॥ ৩০ ॥
মঙ্গলকার্যানন্দো হ্যাত্মাঽঽত্মক্রীড আত্মরতিরব্যাত্ ।
আকণ্ঠকুঙ্কুমাভঃ আকেশান্তাত্সিতেতরশ্চার্যঃ ॥ ৩১ ॥
আহৃতপীয়ূষোঽব্যাদাশাকৃচ্চাশুগমনো নঃ ।
আকাশগতিস্তরুণস্তর্কজ্ঞেয়স্তমোহন্তা ॥ ৩২ ॥
তিমিরাদিরোগহারী তূর্ণগতিমন্ত্রকৃত্ পায়াত্ ।
মন্ত্রী মন্ত্রারাধ্যো মণিহারো মন্দরাদ্রিনিভমূর্তিঃ ॥ ৩৩ ॥
সর্বাতীতঃ সর্বঃ সর্বাধারঃ সনাতনঃ স্বঙ্গঃ ।
সুভগঃ সুলভঃ সুবলঃ সুন্দরবাহুঃ সুখং দদ্যাত্ ॥ ৩৪ ॥
সামাত্মা মখরক্ষী মখিপূজ্যো মৌলিলগ্নমকুটোঽব্যাত্ ।
মঞ্জীরোজ্জ্বলচরণো মর্যাদাকৃন্মহাতেজাঃ ॥ ৩৫ ॥
মায়াতীতো মানী মঙ্গলরূপী মহাত্মাঽব্যাত্ ।
তেজোধিক্কৃতমিহিরস্তত্বাত্মা তত্বনিষ্ণাতঃ ॥ ৩৬ ॥
তাপসহিতকারী নস্তাপধ্বংসী তপোরূপঃ ।
ততপক্ষস্তথ্যবচাস্তরুকোটরবাস নিরতোঽব্যাত্ ॥ ৩৭ ॥
তিলকোজ্জ্বল নিটিলো নস্তুঙ্গোঽব্যাত্ত্রিদশভীতিপরিমোষী ।
তাপিঞ্ছহরিতবাসাস্তালধ্বজসোদরো জ্বলত্কেতুঃ ॥ ৩৮ ॥
তনুজিতরুক্মস্তারস্তারধ্বানস্তৃণীকৃতারাতিঃ ।
তিগ্মনখঃ শঙ্কুর্যাত্তন্ত্রীস্বানো নৃদেব শুভদায়ী ॥ ৩৯ ॥
নিগমোদিতবিভবোঽব্যান্নীডস্থো নির্জরো নিত্যঃ ।
নিনদহতাশুভনিবহো নির্মাতা নিষ্কলো নয়োপেতঃ ॥ ৪০ ॥
নূতনবিদ্রুমকণ্ঠো বিষ্ণুসমো বীর্যজিতলোকঃ ।
বিরজা বিততসুকীর্তির্বিদ্যানাথো বিষং দহেদ্বীশঃ ॥ ৪১ ॥
বিজ্ঞানাত্মা বিজয়ো বরদো বাসাধিকারবিধিপূজ্যঃ ।
মধুরোক্তির্মৃদুভাষী মল্লীদামোজ্জলত্তনুঃ পায়াত্ ॥ ৪২ ॥
মহিলাজনশুভকৃন্নো মৃত্যুহরো মলয়বাসিমুনিপূজ্যঃ ।
মৃগনাভিলিপ্তনিটিলো মরকতময়কিঙ্কিণীকোঽব্যাত্ ॥ ৪৩ ॥
মন্দেতরগতিরব্যান্মেধাবী দীনজনগোপ্তা ।
দীপ্তাগ্রনাসিকাস্যো দারিদ্র্যধ্বংসনো দয়াসিন্ধুঃ ॥ ৪৪ ॥
দান্তপ্রিয়কৃদ্দান্তো দমনকধারী ভৃশং দয়তাম্ ।
দণ্ডিতসাধুবিপক্ষো দৈন্যহরো দানধর্মনিরতো নঃ ॥ ৪৫ ॥
বন্দারুবৃন্দশুভকৃদ্বল্মীকৌকোঽভয়ঙ্করো বিনুতঃ ।
বিহিতো বজ্রনখাগ্রো য়ততামিষ্টপ্রদো য়ন্তা ॥ ৪৬ ॥
য়ুগবাহুর্যবনাসো য়বনারির্যাতনাং নুদতু ।
বহ্মণ্যো ব্রহ্মরতো ব্রহ্মাত্মা ব্রহ্মগুপ্তো নঃ ॥ ৪৭ ॥
ব্রাহ্মণপূজিতমূর্তির্ব্রহ্মধ্যায়ী বৃহত্পক্ষঃ ।
ব্রহ্মসমো ব্রহ্মাংশো ব্রহ্মজ্ঞো হরিতবর্ণচেলোঽব্যাত্ ॥ ৪৮ ॥
হরিকৈঙ্কর্যরতোঽব্যাদ্ধরিদাসো হরিকথাসক্তঃ ।
হরিপূজননিয়তাত্মা হরিভক্তধ্যাতদিব্যশুভরূপঃ ॥ ৪৯ ॥
হরিপাদন্যস্তাত্মাত্মীয়ভরো হরিকৃপাপাত্রম্ ।
হরিপাদবহনসক্তো হরিমন্দিরচিহ্নমূর্তিরবতান্নঃ ॥ ৫০ ॥
দমিতপবিগর্বকূটো দরনাশী দরধরো দক্ষঃ ।
দানবদর্পহরো নো রদনদ্যুতিরঞ্জিতাশোঽব্যাত্ ॥ ৫১ ॥
রীতিজ্ঞো রিপুহন্তা রোগধ্বংসী রুজাহীনঃ ।
ধর্মিষ্ঠো ধর্মাত্মা ধর্মজ্ঞঃ পাতু ধর্মিজনসেব্যঃ ॥ ৫২ ॥
ধর্মারাধ্যো ধনদো ধীমান্ ধীরো ধবো ধিয়ং দদ্যাত্ ।
ধিক্কৃতসুরাসুরাস্ত্রস্ত্রেতাহোমপ্রভাবসঞ্জাতঃ ॥ ৫৩ ॥
তটিনীতীরনির্বাসী তনয়ার্থ্যর্চ্যস্তনুত্রাণঃ ।
তুষ্যজ্জনার্দনোঽব্যাত্ তুরীয়পুরুষার্থদস্তপস্বীন্দ্রঃ ॥ ৫৪ ॥
তরলস্তোয়চরারিস্তুরগমুখপ্রীতিকৃত্ পাতু ।
রণশূরো রয়শালী রতিমান্ রাজবিহারভৃদ্রসদঃ ॥ ৫৫ ॥
রক্ষস্সঙ্গবিনাশী রথিকবরার্চ্যোঽবতাদ্রণদ্ভূষঃ ।
রভসগতী রহিতার্তিঃ পূতঃ পুণ্যঃ পুরাতনঃ পূর্ণঃ ॥ ৫৬ ॥
পদ্মার্চ্যঃ পবনগতিঃ পতিতত্রাণঃ পরাত্পরঃ পায়াত্ ।
পীনাংসঃ পৃথুকীর্তিঃ ক্ষতজাক্ষঃ ক্ষ্মাধরঃ ক্ষণঃ ক্ষণদঃ ॥ ৫৭ ॥
ক্ষেপিষ্ঠঃ ক্ষয়রহিতঃ ক্ষুণ্ণক্ষ্মাভৃত্ ক্ষুরান্তনাসোঽব্যাত্ ।
ক্ষিপবর্ণঘটিতমন্ত্রঃ ক্ষিতিসুরনম্যো য়য়াতীড্যঃ ॥ ৫৮ ॥
য়াজ্যো য়ুক্তো য়োগো য়ুক্তাহারো য়মার্চিতো য়ুগকৃত্ ।
য়াচিতফলপ্রদায়ী য়ত্নার্চ্যঃ পাতু য়াতনাহন্তা ॥ ৫৯ ॥
জ্ঞানী জ্ঞপ্তিশরীরো জ্ঞাতাঽব্যাত্ জ্ঞানদো জ্ঞেয়ঃ ।
জ্ঞানাদিমগুণপূর্ণো জ্ঞপ্তিহতাবিদ্যকো জ্ঞমণিঃ ॥ ৬০ ॥
জ্ঞাত্যহিমর্দনদক্ষো জ্ঞানিপ্রিয়কৃদ্যশোরোশিঃ ।
য়ুবতিজনেপ্সিতদো নো য়ুবপূজ্যোঽব্যাদ্যুবা চ য়ূথস্থঃ ॥ ৬১ ॥
য়ামারাধ্যো য়মভয়হারী য়ুদ্ধপ্রিয়ো য়োদ্ধা ।
য়োগজ্ঞজ্ঞাতোঽয়াত্ জ্ঞাতৃজ্ঞেয়াত্মকো জ্ঞপ্তিঃ ॥ ৬২ ॥
জ্ঞানহতাশুভনিবহো জ্ঞানঘনো জ্ঞাননিধিরব্যাত্ ।
জ্ঞাতিজভয়হারী নো জ্ঞানপ্রতিবন্ধকর্মবিচ্ছেদী ॥ ৬৩ ॥
জ্ঞানেনহতাজ্ঞানধ্বান্তো জ্ঞানীশবন্দ্যচরণোঽব্যাত্ ।
য়জ্বপ্রিয়কৃদ্যাজকসেব্যো য়জনাদিষট্কনিরতার্চ্যঃ ॥ ৬৪ ॥
য়ায়াবরশুভকৃন্নস্তনুতাং ভদ্রং য়শোদায়ী ।
য়ময়ুতয়োগিপ্রেক্ষ্যো য়াদবহিতকৃদ্যতীশ্বরপ্রণয়ী ॥ ৬৫ ॥
য়োজনসহস্রগামী য়ততাং নো মঙ্গলে য়থার্থজ্ঞঃ ।
পোষিতভক্তঃ প্রার্থ্যঃ পৃথুতরবাহুঃ পুরাণবিত্প্রাজ্ঞঃ ॥ ৬৬ ॥
পৈশাচভয়নিহন্তা প্রবলঃ প্রথিতঃ প্রসন্নবদনয়ুতঃ ।
পত্ররথো নঃ পায়াচ্ছায়ানশ্যদ্ভুজঙ্গৌঘঃ ॥ ৬৭ ॥
ছর্দিতবিপ্রশ্ছিন্নারাতিশ্ছন্দোময়ঃ সততম্ ।
ছন্দোবিচ্ছন্দোঙ্গশ্ছন্দশ্শাস্ত্রার্থবিত্ পাতু ॥ ৬৮ ॥
ছান্দসশুভঙ্করোঽব্যাচ্ছন্দোগধ্যাতশুভমূর্তিঃ ।
ছলমুখদোষবিহীনারাধ্যশ্ছূনায়তোজ্জলদ্বাহুঃ ॥ ৬৯ ॥
ছন্দোনিরতশ্ছাত্রোত্করসেব্যশ্ছত্রভৃন্মহিতঃ ।
ছন্দোবেদ্যশ্ছন্দঃ প্রতিপাদিতৈভবঃ পায়াত্ ॥ ৭০ ॥
ছাগবপাহুতিতৃপ্তশ্ছায়াপুত্রোদ্ভবার্তিবিচ্ছেদী ।
ছবিনির্জিতখর্জূরশ্ছাদিত দিবিষত্ প্রভাবোঽব্যাত্ ॥ ৭১ ॥
দুঃস্বপ্ননাশনো নো দমনো দেবাগ্রণীর্দাতা ।
দুর্ধর্ষো দুষ্কৃতহঃ দীপ্তাস্যঃ পাতু দুস্সহো দেবঃ ॥ ৭২ ॥
দীক্ষিতবরদঃ সরসঃ সর্বেড্যঃ সংশয়চ্ছেত্তা ।
সর্বজ্ঞঃ সত্যোঽব্যাদ্যোগাচার্যো য়থার্থবিত্প্রিয়কৃত্ ॥ ৭৩ ॥
য়োগপ্রমাণবেত্তা য়ুঞ্জানো য়োগফলদায়ী ।
গানাসক্তো গহনো রক্ষেদ্গ্রহচারপীডনধ্বংসী ॥ ৭৪ ॥
গ্রহভয়হা গদহারী গুরুপক্ষো গোরসাদী নঃ ।
গব্যপ্রিয়ো গকারাদিমনামা পাতু গেয়বরকীর্তিঃ ॥ ৭৫ ॥
নীতিজ্ঞো নিরবদ্যো নির্মলচিত্তো নরপ্রিয়ো নম্যঃ ।
নারদগেয়ো নন্দিস্তুতকীর্তির্নির্ণয়াত্মকো রক্ষেত্ ॥ ৭৬ ॥
নির্লেপো নির্দ্বন্দ্বো ধীধিষ্ণ্যো ধিক্কৃতারাতিঃ ।
ধৃষ্টো ধনঞ্জয়ার্চিশ্শমনোঽব্যাদ্ধান্যদো ধনিকঃ ॥ ৭৭ ॥
ধন্যীড্যো ধনদার্চ্যো ধূতার্তিপ্রাপকো ধুরীণো নঃ ।
ষণ্মুখনুতচরিতোব্যাদ্ষড্গুণপূর্ণঃ ষডর্ধনয়নসমঃ ॥ ৭৮ ॥
নাদাত্মা নির্দোষো নবনিধিসেব্যো নিরঞ্জনো নব্যঃ ।
য়তিমুক্তিরূপফলদো য়তিপূজ্যো হাপয়েদ্দুরিতম্ ॥ ৭৯ ॥
শতমূর্তিঃ শিশিরাত্মা শাস্ত্রজ্ঞঃ পাতু শাসকৃত্ শ্রীলঃ ।
শশধরকীর্তিঃ শশ্বত্প্রিয়দো নঃ শাশ্বতঃ শমিধ্যাতঃ ॥ ৮০ ॥
শুভকৃত্ফল্গুনসেব্যঃ ফলদঃ ফালোজ্জ্বলত্পুণ্ড্রঃ ।
ফলরূপী ফণিকটকঃ ফণিকটিসূত্রঃ ফলোদ্বহঃ পাতু ॥ ৮১ ॥
ফলভুক্ ফলমূলাশি ধ্যেয়ঃ ফণিয়জ্ঞসূত্রধারী নঃ ।
য়োষিদভীপ্সিতফলদো য়ুতরুদ্রোঽব্যাদ্যজুর্নামা ॥ ৮২ ॥
য়জুরুপপাদিতমহিমা য়ুতরতিকেলির্যুবাগ্রণীর্যমনঃ ।
য়াগচিতাগ্নিসমানো য়জ্ঞেশো য়োজিতাপদরিরব্যাত্ ॥ ৮৩ ॥
জিতসুরসন্ধো জৈত্রো জ্যোতীরূপো জিতামিত্রঃ ।
জবনির্জিত পবনোঽব্যাজ্জয়দো জীবোত্করস্তুত্যঃ ॥ ৮৪ ॥
জনিধন্যকশ্যপো নো জগদাত্মা জডিমবিধ্যংসী ।
ষিদ্গানর্চ্যঃ ষণ্ডীকৃতসুরতেজাঃ ষডধ্বনিরতোঽব্যাত্ ॥ ৮৫ ॥
ষট্কর্মনিরতহিতদঃ ষোডশবিধবিগ্রহারাধ্যঃ ।
ষাষ্টিকচরুপ্রিয়োঽব্যাত্ ষডূর্ম্যসংস্পৃষ্টদিব্যাত্মা ॥ ৮৬ ॥
ষোডশিয়াগসুতৃপ্তঃ ষণ্ণবতিশ্রাদ্ধকৃদ্ধিতকৃত্ ।
ষড্বর্গগন্ধরহিতো নারায়ণনিত্যবহনোঽব্যাত্ ॥ ৮৭ ॥
নামার্চকবরদায়ী নানাবিধতাপবিধ্বংসী ।
নবনীরদকেশোঽব্যান্নানার্থপ্রাপকো নতারাধ্যঃ ॥ ৮৮ ॥
নয়বিন্নবগ্রহার্চ্যো নখয়োধী পাতু নিশ্চলাত্মা নঃ ।
মলয়জলিপ্তো মদহা মল্লীসূনার্চিতো মহাবীরঃ ॥ ৮৯ ॥
মরুদর্চিতো মহীয়ান্মঞ্জুধ্বানোঽবতান্মুরার্যংশঃ ।
মায়াকূটবিনাশী মুদিতাত্মা সুখিতনিজভক্তঃ ॥ ৯০ ॥
সকলপ্রদঃ সমর্থঃ সর্বারাধ্যঃ সবপ্রিয়ঃ সারঃ ।
সকলেশঃ সমরহিতঃ সুকৃতী নঃ পাতু সূদিতারাতিঃ ॥ ৯১ ॥
পরিধৃতহরিতসুবাসাঃ পাণিপ্রোদ্যত্সুধাকুম্ভঃ ।
প্রবরঃ পাবককান্তিঃ পটুনিনদঃ পাতু পঞ্জরাবাসী ॥ ৯২ ॥
পণ্ডিতপূজ্যঃ পীনঃ পায়াত্পাতালপতিতবসুরক্ষী ।
পঙ্কেরুহার্চিতাঙ্ঘ্রিঃ নেত্রানন্দো নুতিপ্রিয়ো নেয়ঃ ॥ ৯৩ ॥
নবচম্পকমালাভৃন্নাকৌকা নাকিহিতকৃন্নঃ ।
নিস্তীর্ণসংবিদব্যান্নিষ্কামো নির্মমো নিরুদ্বেগঃ ॥ ৯৪ ॥
সিদ্ধিঃ সিদ্ধপ্রিয়কৃত্সাধ্যারাধ্যঃ সুখোদ্বহঃ স্বামী ।
সাগরতীরবিহারী সৌম্যঃ পায়াত্সুখী সাধুঃ ॥ ৯৫ ॥
স্বাদুফলাশী গিরিজারাধ্যো গিরিসন্নিভো গময়েত্ ।
গাত্রদ্যুতিজিতরুক্মো গুণ্যো গুহবন্দিতো গোপ্তা ॥ ৯৬ ॥
গগনাভো গতিদায়ী গীর্ণাহির্গোনসারাতিঃ ।
রমণকনিলয়ো রূপী রসবিদ্রক্ষাকরো রক্ষেত্ ॥ ৯৭ ॥
রুচিরো রাগবিহীনো রক্তো রামো রতিপ্রিয়ো রবকৃত্ ।
তত্বপ্রিয়স্তনুত্রালঙ্কৃতমূর্তিস্তুরঙ্গগতিরব্যাত্ ॥ ৯৮ ॥
তুলিতহরির্নস্তুম্বুরুগেয়ো মালী মহর্ধিমান্মৌনী ।
মৃগনাথবিক্রমোঽব্যান্মুষিতার্তির্দীনভক্তজনরক্ষী ॥ ৯৯ ॥
দোধূয়মানভুবনো দোষবিহীনো দিনেশ্বরারাধ্যঃ ।
দুরিতবিনাশী দয়িতো দয়তাং দাসীকৃতত্রিদশঃ ॥ ১০০ ॥
দন্তদ্যুতিজিতকুন্দো দণ্ডধরো দুর্গতিধ্বংসী ।
বন্দিপ্রিয়ো বরেণ্যো বীর্যোদ্রিক্তো বদান্যবরদোঽব্যাত্ ॥ ১০১ ॥
বাল্মীকিগেয়কীর্তির্বর্ধিষ্ণুর্বারিতাঘকূটো নঃ ।
বসুদো বসুপ্রিয়োঽব্যাদ্বসুপূজ্যো গর্ভবাসবিচ্ছেদী ॥ ১০২ ॥
গোদাননিরতসুখকৃদ্গোকুলরক্ষী গবাং নাথঃ ।
গোবর্ধনো গভীরো গোলেশঃ পাতু গৌতমারাধ্যঃ ॥ ১০৩ ॥
গতিমান্গর্গনুতো নশ্চরিতাদিমপূজনাধ্বগপ্রিয়কৃত্ ।
চামীকরপ্রদায়ী চারুপদোঽব্যাচ্চরাচরস্বামী ॥ ১০৪ ॥
চন্দনচর্চিতদেহশ্চন্দনরসশীতলাপাঙ্গঃ ।
চরিতপবিত্রিতভুবনশ্চাদূক্তিঃ পাতু চোরবিধ্বংসী ॥ ১০৫ ॥
চঞ্চদ্গুণনিকরো নঃ সুভরঃ সূক্ষ্মাম্বরঃ সুভদ্রোঽব্যাত্ ।
সূদিতখলঃ সুভানুঃ সুন্দরমূর্তিঃ সুখাস্পদঃ সুমতিঃ ॥ ১০৬ ॥
সুনয়ঃ সোমরসাদিপ্রিয়কৃত্পায়াদ্বিরক্তেড্যঃ ।
বৈদিককর্মসুতৃপ্তো বৈখানসপূজিতো বিয়চ্চারী ॥ ১০৭ ॥
ব্যক্তো বৃষপ্রিয়োঽব্যাদ্বৃষদো বিদ্যানিধিবিরাড্ বিদিতঃ ।
পরিপালিতবিহগকুলঃ পুষ্টঃ পূর্ণাশয়ঃ পুরাণেড্যঃ ॥ ১০৮ ॥
পীরধৃতপন্নগশেলঃ পার্থিববন্দ্যঃ পদাহৃতদ্বিরদঃ ।
পরিনিষ্ঠিতকার্যোঽব্যাত্পরার্ধ্যহারঃ পরাত্মা নঃ ॥ ১০৯ ॥
তন্বীড্যস্তুঙ্গাংসস্ত্যাগী তূর্যাদিবাদ্যসন্তুষ্টঃ ।
তপ্তদ্রুতকনকাঙ্গদধারী দদ্যাদ্ধনং তৃপ্তিঃ ॥ ১১০ ॥
তৃষ্ণাপাশচ্ছেদী ত্রিভুবনমহিতস্ত্রয়ীধরস্তর্কঃ ।
ত্রিগুণাতীতস্তামসগুণনাশী তর্ক্যতাং তপস্সিন্ধুঃ ॥ ১১১ ॥
তীর্থস্ত্রিসময়পূজ্যস্তুহিনোরুস্তীর্থকৃত্তটস্থো নঃ ।
তুরগপতিসেবিতোঽব্যাত্ত্রিপুরারিশ্লাঘিতঃ প্রাংশুঃ ॥ ১১২ ॥
পাষাণ্ডতূলদহনঃ প্রেমরসার্দ্রঃ পরাক্রমী পূর্বঃ ।
প্রেঙ্খত্কুণ্ডলগণ্ডঃ প্রচলদ্ধারঃ প্রকৃষ্টমতিরব্যাত্ ॥ ১১৩ ॥
প্রচুরয়শাঃ প্রভুনম্যো রসদো রূপাধরীকৃতস্বর্ণঃ ।
রসনানৃত্যদ্বিদ্যো রম্ভাদিস্তুত্যচারুচরিতোঽব্যাত্ ॥ ১১৪ ॥
রংহস্সমূহরূপী রোষহরো রিক্তসাধুধনদায়ী ।
রাজদ্রত্নসুভূষো রহিতাঘৌঘো রিরংসুরব্যান্নঃ ॥ ১১৫ ॥
ষট্কালপূজনীয়ঃ ষড্গুণরত্নাকরঃ ষডঙ্গজ্ঞঃ ।
ষড্রসবেদী ষণ্ডাবেদ্যঃ ষড্দর্শনীপ্রদঃ পায়াত্ ॥ ১১৬ ॥
ষড্বিংশতি তত্বজ্ঞঃ ষড্রসভোজী ষডঙ্গবিত্পূজ্যঃ ।
ষড্জাদিস্বরবেদী য়ুগবেদী য়জ্ঞভুগ্যোগ্যঃ ॥ ১১৭ ॥
য়াত্রোদ্যুক্তশুভং য়ুর্যুক্তিজ্ঞো য়ৌবনাশ্বসম্পূজ্যঃ ।
য়ুয়ুধানো য়ুদ্ধজ্ঞো য়ুক্তারাধ্যো য়শোধনঃ পায়াত্ ॥ ১১৮ ॥
বিদ্যুন্নিভো বিবৃদ্ধো বক্তা বন্দ্যো বয়ঃপ্রদো বাচ্যঃ ।
বর্চস্বী বিশ্বেশো বিধিকৃত্ পায়াদ্বিধানজ্ঞঃ ॥ ১১৯ ॥
দীধিতিমালাধারী দশদিগ্গামি দৃঢোজ্জ্বলত্পক্ষঃ ।
দংষ্ট্রারুচিরমুখোঽব্যাদ্দবনাশোঽস্মান্মহোদয়ো মুদিতঃ ॥ ১২০ ॥
মূদিতকষায়ো মৃগ্যো মনোজবো হেতিভৃদ্বন্দ্যঃ ।
হৈয়ঙ্গবীনভোক্তা হয়মেধপ্রীতমানসঃ পায়াত্ ॥ ১২১ ॥
হেমাব্জহারধারী হেলী হেতীশ্বরপ্রণয়ী ।
হঠয়োগকৃত্সুসেব্যো হরিভক্তঃ পাতু হরিপুরঃস্থায়ী ॥ ১২২ ॥
হিতদঃ সুপৃষ্ঠরাজদ্ধরিরব্যাত্সৌম্যবৃত্তো নঃ ।
স্বাত্যুদ্ভবঃ সুরম্যঃ সৌধীভূতশ্রুতিঃ সুহৃদ্বন্দ্যঃ ॥ ১২৩ ॥
সগরস্যালঃ সত্পথচারী সন্তানবৃদ্ধিকৃত্সুয়শাঃ ।
বিজয়ী বিদ্বত্প্রবরো বর্ণ্যোঽব্যাদ্বীতরাগভবনাশী ॥ ১২৪ ॥
বৈকুণ্ঠলোকবাসী বৈশ্বানরসন্নিভো বিদগ্ধো নঃ ।
বীণাগানসুরক্তো বৈদিকপূজ্যো বিশুদ্ধোঽব্যাত্ ॥ ১২৫ ॥
নর্মপ্রিয়ো নতেড্যো নির্ভীকো নন্দনো নিরাতঙ্কঃ ।
নন্দনবনচার্যব্যান্নগাগ্রনিলয়ো নমস্কার্যঃ ॥ ১২৬ ॥
নিরুপদ্রবো নিয়ন্তা প্রয়তঃ পর্ণাশিভাবিতঃ পাতু ।
পুণ্যপ্রদঃ পবিত্রঃ পুণ্যশ্লোকঃ প্রিয়ংবদঃ প্রাজ্ঞঃ ॥ ১২৭ ॥
পরয়ন্ত্রতন্ত্রভেদী পরনুন্নগ্রহভবার্তিবিচ্ছেদী ।
পরনুন্নগ্রহদাহী ক্ষামক্ষোভপ্রণাশনঃ পায়াত্ ॥ ১২৮ ॥
ক্ষেমীক্ষেমকরো নঃ ক্ষৌদ্ররসাশী ক্ষমাভূষঃ ।
ক্ষান্তাশ্রিতাপরাধঃ ক্ষুধিতজনান্নপ্রদঃ পায়াত্ ॥ ১২৯ ॥
ক্ষৌমাম্বরশালী নঃ ক্ষবথুহরঃ ক্ষীরভুক্পাতু ।
য়ন্ত্রস্থিতশ্চ য়াগোদ্যুক্তস্বর্ণপ্রদো য়ুতানন্দঃ ॥ ১৩০ ॥
য়তিবন্দিতচরণাব্জো য়তিসংসৃতিদাহকো য়ুগেশানঃ ।
য়াচকজনহিতকারী য়ুগাদিরব্যাদ্যুয়ুত্সুর্নঃ ॥ ১৩১ ॥
য়াগফলরূপবেত্তা ধৃতিমান ধৈর্যোদধির্ধ্যেয়ঃ ।
ধীধিক্কৃতকুমতোঽব্যাদ্ধর্মোদ্যুক্তপ্রিয়ো ধরাগ্রস্থঃ ॥ ১৩২ ॥
ধীনির্জিতধিষণোঽস্মান্ধীমত্প্রবরার্থিতো ধরঃ পাতু ।
ধৃতবৈকুণ্ঠেশানো মতিমদ্ ধ্যেয়ো মহাকুলোদ্ভূতঃ ॥ ১৩৩ ॥
মণ্ডলগতির্মনোজ্ঞো মন্দারপ্রসবধারী নঃ ।
মার্জারদংশনোদ্ভবরোগধ্বংসী মহোদ্যমঃ পাতু ॥ ১৩৪ ॥
মূষিকবিষদাহী নো মাতা মেয়ো হিতোদ্যুক্তঃ ।
হীরোজ্জ্বলভূষোঽব্যাদ্ধৃদ্রোগপ্রশমনো হদ্যঃ ॥ ১৩৫ ॥
হত্পুণ্ডরীকনিলয়ো হোরাশাস্রার্থবিদ্ধোতা ।
হোমপ্রিয়ো হতার্তির্হুতবহজায়াবসানমন্ত্রোঽব্যাত্ ॥ ১৩৬ ॥
তন্ত্রী তন্ত্রারাধ্যস্তান্ত্রিকজনসেবিতস্তত্বম্ ।
তত্বপ্রকাশকোঽব্যাত্ তপনীয়ভ্রাজমানপক্ষো নঃ ॥ ১৩৭ ॥
ত্বগ্ভবরোগবিমর্দী তাপত্রয়হা ত্বরান্যিতঃ পাতু ।
তলতাডননিহতারির্নীবারান্নপ্রিয়ো নীতিঃ ॥ ১৩৮ ॥
নীরন্ধ্রো নিষ্ণাতো নীরোগো নির্জ্বরো নেতা ।
নির্ধার্যো নির্মোহো নৈয়ায়িকসৌখ্যদায়্যব্যাত্ ॥ ১৩৯ ॥
গৌরবভৃদ্গণপূজ্যো গর্বিষ্ঠাহিপ্রভঞ্জনশ্চ গুরুঃ ।
গুরুভক্তো গুল্মহরো গুরুদায়ী গুত্সভৃত্পাতু ॥ ১৪০ ॥
গণ্যো গরিষ্ঠমূর্তী রজোহরো রাঙ্কবাস্তরণঃ ।
রশনারঞ্জিতমধ্যো রোগহরঃ পাতু রুক্মসূনার্চ্যঃ ॥ ১৪১ ॥
রল্লকসংব্যানোঽব্যাদ্রোচিষ্ণূ রোচনাগ্রনিলয়ো নঃ ।
রঙ্গেড্যো রয়সচিবো ডোলায়িতনিগমশায়ী চ ॥ ১৪২ ॥
ঢক্কানাদসুতৃপ্তো ডিম্ভপ্রিয়কৃচ্চ ডুণ্ডুভারাতিঃ ।
ডহুরসমিশ্রান্নাদী ডিণ্ডিমরবতৃপ্তমানসঃ পায়াত্ ॥ ১৪৩ ॥
ডম্ভাদিদোষহীনো ডমরহরো ডমরুনাদসন্তুষ্টঃ ।
ডাকিন্যাদি ক্ষ্রুদ্রগ্রহমর্দী পাঞ্চরাত্রপূজ্যোঽব্যাত্ ॥ ১৪৪ ॥
প্রদ্যুম্নঃ প্রবরগুণঃ প্রসরত্কীর্তিঃ প্রচণ্ডদোর্দণ্ডঃ ।
পত্রী পণিতগুণৌঘঃ প্রাপ্তাভীষ্টঃ পরঃ প্রসিদ্ধোঽব্যাত্ ॥ ১৪৫ ॥
চিদ্রূপী চিত্তজ্ঞশ্চেতনপূজ্যশ্চ চোদনার্থজ্ঞঃ ।
চিকুরধৃতহল্লকোঽব্যাচ্চিরজীবী চিদ্ধনশ্চিত্রঃ ॥ ১৪৬ ॥
চিত্রকরশ্চিন্নিলয়ো দ্বিজবর্যো দারিতেতিরব্যান্নঃ ।
দীপ্তো দস্যুপ্রাণপ্রহরো দুষ্কৃত্যনাশকৃদ্দিব্যঃ ॥ ১৪৭ ॥
দুর্বোধহরো দণ্ডিতদুর্জনসঙ্ঘো দুরাত্মদূরস্থঃ ।
দানপ্রিয়ো য়মীশো য়ন্ত্রার্চককাম্যদঃ পাতু ॥ ১৪৮ ॥
য়োগপরো য়ুতহেতির্যোগারাধ্যো য়ুগাবর্তঃ ।
য়জ্ঞাঙ্গো য়জ্বেড্যো য়জ্ঞোদ্ভূতো য়থার্থোঽব্যাত্ ॥ ১৪৯ ॥
শ্রীমান্নিতান্তরক্ষী বাণীশসমো দিশেত্সাধুঃ ।
য়জ্ঞস্বামী মঞ্জুর্গরুডো লম্বোরুহারভূত্ কুশলম্ ॥ ১৫০ ॥
পঞ্চাশদুত্তরশতশ্লোকার্যাস্তুতিরিয়ং খগেন্দ্রস্য ।
শ্রীকৃষ্ণভট্টরচিতা পঠতাং কুর্যাদভীপ্সিতং সকলম্ ॥ ১৫১ ॥
সুপর্ণোসীত্যাদিশ্রুতিঘটকবর্ণৈঃ খগপতে
তথাগায়ত্র্যর্ণৈর্ঘটিতমুখবর্ণা স্তুতিরিয়ম্ ।
চতুস্তন্ত্র শ্রীমদ্বিবুধবরকৃষ্ণার্যরচিতা
সহস্রঢ্যা নাম্নাং জগতি বিহগেন্দ্রস্য জয়তু ॥ ১৫২ ॥
॥ ইতি শ্রীগরুডসহস্রনামস্তোত্রং সম্পূর্ণম্ ॥
(সুপর্ণোঽসি-তৈ।সং। ৪-৪২ গায়ত্রী তৈ। আ। ১০।১)
(শ্রীবাসুদেবভট্টাচার্যকরুণাসংবর্ধিতাত্মতত্ত্বাববোধস্য
শ্রীকৃষ্ণভট্টাচার্যস্য কৃতিঃ ।)
Also Read 1000 Names of Garuda :
1000 Names of Sri Garuda | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil