Sri Hanumada Ashtottara Shatanama Stotram 5 Lyrics in Bengali:
॥ শ্রীহনুমদষ্টোত্তরশতনামস্তোত্রম্ ৬ ॥
॥ শ্রীগণেশায় নমঃ ॥
॥ শ্রীসীতারামচন্দ্রাভ্যাং নমঃ ॥
শ্রীপরাশর উবাচ –
শৃণু মৈত্রেয়! মন্ত্রজ্ঞ অষ্টোত্তরশতসংজ্ঞিকঃ ।
নাম্নাং হনূমতশ্চৈব স্তোত্রাণাং শোকনাশনম্ ॥
পূর্বং শিবেন পার্বত্যাঃ কথিতং পাপনাশনম্ ।
গোপ্যাদ্গোপতরং চৈব সর্বেপ্সিতফলপ্রদম্ ॥
বিনিয়োগঃ –
ওঁ অস্য শ্রীহনুমদষ্টোত্তরশতনামস্তোত্রমন্ত্রস্য সদাশিব ঋষিঃ ।
অনুষ্টুপ্ ছন্দঃ । শ্রীহনুমান্ দেবতা । হ্রাং বীজম্ ।
হ্রীং শক্তিঃ । হ্রূং কীলকম্ ।
শ্রীহনুমদ্দেবতা প্রসাদসিদ্ধ্যর্থে জপে বিনিয়োগঃ ।
ধ্যানম্ –
ধ্যায়েদ্বালদিবাকরদ্যুতিনিভং দেবারিদর্পাপহম্
দেবেন্দ্রপ্রমুখৈঃ প্রশস্তয়শসং দেদীপ্যমানং ঋচা ।
সুগ্রীবাদিসমস্তবানরয়ুতং সুব্যক্ততত্ত্বপ্রিয়ং
সংরক্তারুণলোচনং পবনজং পীতাম্বরালঙ্কৃতম্ ॥
॥ ইতি ধ্যানম্ ॥
হনুমান্ স্থিরকীর্তিশ্চ তৃণীকৃতজগত্ত্রয়ঃ ।
সুরপূজ্যস্সুরশ্রেষ্ঠো সর্বাধীশস্সুখপ্রদঃ ॥
জ্ঞানপ্রদো জ্ঞানগম্যো বিজ্ঞানী বিশ্ববন্দিতঃ ।
বজ্রদেহো রুদ্রমূর্তী দগ্ধলঙ্কা বরপ্রদঃ ॥
ইন্দ্রজিদ্ভয়কর্তা চ রাবণস্য ভয়ঙ্করঃ ।
কুম্ভকর্ণস্য ভয়দো রমাদাসঃ কপীশ্বরঃ ॥
লক্ষ্মণানন্দকরো দেবঃ কপিসৈন্যস্য রক্ষকঃ ।
সুগ্রীবসচিবো মন্ত্রী পর্বতোত্পাটনো প্রভুঃ ॥
আজন্মব্রহ্মচারী চ গম্ভীরধ্বনিভীতিদঃ ।
সর্বেশো জ্বরহারী চ গ্রহকূটবিনাশকঃ ॥
ঢাকিনীধ্বংসকস্সর্বভূতপ্রেতবিদারণঃ ।
বিষহর্তা চ বিভবো নিত্যস্সর্বজগত্প্রভুঃ ॥
ভগবান্ কুণ্ডলী দণ্ডী স্বর্ণয়জ্ঞোপবীতধৃত্ ।
অগ্নিগর্ভঃ স্বর্ণকান্তিঃ দ্বিভুজস্তু কৃতাঞ্জলিঃ ॥
ব্রহ্মাস্ত্রবারণশ্শান্তো – ব্রহ্মণ্যো ব্রহ্মরূপধৃত্ ।
শত্রুহন্তা কার্যদক্ষো ললাটাক্ষোঽপরেশ্বরঃ ॥
লঙ্কোদ্দীপো মহাকায়ঃ রণশূরোঽমিতপ্রভঃ ।
বায়ুবেগী মনোবেগী গরুডস্য সমোজসে ॥
মহাত্মা বিষ্ণুভক্তশ্চ ভক্তাভীষ্টফলপ্রদঃ ।
সঞ্জীবিনীসমাহর্তা সচ্চিদানন্দবিগ্রহঃ ॥
ত্রিমূর্তী পুণ্ডরীকাক্ষো বিশ্বজিদ্বিশ্বভাবনঃ ।
বিশ্বহর্তা বিশ্বকর্তা ভবদুঃখৈকভেষজঃ ॥
বহ্নিতেজো মহাশান্তো চন্দ্রস্য সদৃশো ভবঃ ।
সেতুকর্তা কার্যদক্ষো ভক্তপোষণতত্পরঃ ॥
মহায়োগী মহাধৈর্যো মহাবলপরাক্রমঃ ।
অক্ষহন্তা রাক্ষসঘ্নো ধূম্রাক্ষবধকৃন্মুনে ॥
গ্রস্তসূর্যো শাস্ত্রবেত্তা বায়ুপুত্রঃ প্রতাপবান্ ।
তপস্বী ধর্মনিরতো কালনেমিবধোদ্যমঃ ॥
ছায়াহর্তা দিব্যদেহো পাবনঃ পুণ্যকৃত্শিবঃ ।
লঙ্কাভয়প্রদো ধীরো মুক্তাহারবিভূষিতঃ ॥
মুক্তিদো ভুক্তিদশ্চৈব শক্তিদ শঙ্করস্তথা ।
হরির্নিরঞ্জনো নিত্যো সর্বপুণ্যফলপ্রদঃ ॥
ইতীদং শ্রীহরেঃ পুণ্যনামাষ্টোত্তরশতম্ ।
পঠনাচ্শ্রবণান্মর্ত্যঃ জীবন্মুক্তো ভবেদ্ধৃবম্ ॥
॥ ইতি শ্রীপরাশরসংহিতায়ান্তর্গতে শ্রীপরাশরমৈত্রেয়সংবাদে
হনুমদষ্টোত্তরশতনামস্তোত্রং সম্পূর্ণম্ ॥
Also Read:
Shri Hanumada Ashtottara Shatanama Stotram 6 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
